బాహుబలి సినిమాతో పాన్ ఇండియా స్టార్ గా ఎదిగిన ప్రభాస్ ప్రస్తుతం వరస సినిమాలతో బిజీగా ఉన్నాడు. ప్రస్తుతం ప్రభాస్ బాలీవుడ్ దర్శకుడు ఓం రౌత్ దర్శకత్వంలో అధిపురుష్ అనే చిత్రంలో నటించేందుకు సిద్దం అవ్వుతున్నాడు. ఇప్పటికే దర్శకుడు ఇతర తారాగణంపై కొన్ని ముఖ్యమైన సన్నివేశాలను తెరకెక్కిస్తున్నాడు. ఈ చిత్రం ఇతిహాసం కాలం కు చెందిన శ్రీ రాముడు జీవిత చరిత్ర రామాయణం ఆధారంగా రూపొందుతుంది.
నేడు ఉన్న టెక్నాలజీ కి అనుగుణంగా ఈ చిత్రాన్ని దర్శకుడు రూపొందిస్తున్నాడు. ఈ చిత్రంలో ప్రభాస్ రాముడు పాత్రలో కనిపిస్తుంటే సీత పాత్రలో కీర్తి సనన్ నటించనున్నది. లక్ష్మణుడు పాత్రలో ప్రముఖ మోడల్, టీవి నటుడు సన్నీ సింగ్ నటిస్తున్నాడు. రావణ్ పాత్రలో సైఫ్ అలీఖాన్ నటించనున్నాడు. ఇప్పటికే చిత్ర బృందం అధికారిక ప్రకటన చేసింది. ఈ చిత్రాని టి సీరీస్ ఫిల్మ్స్ రెట్రోఫీల్స్ సంస్థలపై భూషణ్ కుమార్ కృష్ణ కుమార్, ఓం రౌత్ లు నిర్మిస్తున్నారు.
తాజాగా ఈ చిత్రం యొక్క నిర్మాత భూషణ్ కుమార్ అధిపురుష్ చిత్రం గురించి కొన్ని ఆసక్తికర విషయాలను తెలియజేశాడు. ఈ చిత్రం కోసం ఇంటర్నేషనల్ లెవల్ స్టాండర్డ్స్ ను ఉపయోగిస్తున్నారు. అలాగే అద్బుతమైన విజువల్స్ ను ఈ చిత్రంలో చూడవచ్చు అంటున్నాడు. ఇక సైఫ్ అలీఖాన్, ప్రభాస్ మధ్య వచ్చే వార్ సన్నివేశాలు చాలా ఎక్సైటింగ్ ఉంటాయని అన్నాడు. మా టీమ్ కూడా ఎంతగానో ఎదురుచూస్తుందని నిర్మాత భూషణ్ కుమార్ అన్నాడు. ఈ చిత్రం వచ్చే ఏడాది ఆగష్టు 11న విడుదల అవ్వుతుంది.