యంగ్ రెబల్ స్టార్ ప్రభాస్ ఇటీవలే రాధాకృష్ణ దర్శకత్వంలో రాధే శ్యామ్ అనే చిత్రాని పూర్తి చేశాడు. ఈ చిత్రంలో పూజ హెగ్డే కథానాయకగా నటించింది. ఈ నేపథ్యంలోనే ప్రభాస్ మరో రెండు సినిమాలు చేస్తున్నాడు. అందులో అధిపురుష్ చిత్రం ఒక్కటి. ఈ చిత్రానికి ఓం రౌత్ దర్శకత్వం వహిస్తున్నాడు. ఇది ప్రభాస్ నటిస్తున్న స్ట్రైయిట్ హింది మూవీ. ఈ చిత్రంలో డార్లింగ్ రాముడు పాత్రలో కనిపిస్తుంటే, రావణుని పాత్రలో సైఫ్ అలీఖాన్ నటించనున్నాడు. ప్రస్తుతం ముంబై పరిసర ప్రాంతాల్లో ఈ చిత్రం యొక్క షూటింగ్ జరుగుతుంది.
ఈ చిత్రంలో రాముడు, రావణుడు ఇద్దరినీ అధికారికంగా అధిపురుష్ టీమ్ ప్రకటించింది. ఇక మిగిలింది లక్ష్మణ భరత శత్రజ్ఞులు, మరియు సీత … ఈ పాత్రలలో ఎవరు నటించబోతున్నారు అనేది ఆసక్తి గా మారింది. తాజా సమాచారం మేరకు బాలీవుడ్ హీరో URI ఫేమ్ విక్కీ కౌశల్ నటించబోతున్నాడు అని బి టౌన్ లో వార్తలు వస్తున్నాయి. త్వరలోనే అధికారిక ప్రకటన వెలువడనున్నది.
ఈ చిత్రం భారీ బడ్జెట్ హై వి‌ఎఫ్‌ఎక్స్ తో రూపొందుతుంది. త్వరలోనే ప్రభాస్ ఈ చిత్రం యొక్క షూటింగ్ లో సందడి చేయనున్నాడు. ఈ చిత్రం వచ్చే ఏడాది ఆగష్టు లో విడుదల అవ్వనున్నది. ఈ నేపథ్యంలోనే ప్రభాస్ కే‌జి‌ఎఫ్ దర్శకుడు ప్రశాంత్ నీల్ తో సలార్ అనే చిత్రంలో నటిస్తున్నాడు. ఈ చిత్రంలో శృతి హాసన్ కథానాయక గా నటిస్తుంది. నాగ్ అశ్విన్ తో ఓ సైన్స్ ఫిక్షన్ మూవీ చెయ్యాలిసి ఉంది. ఈ చిత్రం 2022 లో విడుదల అవ్వనున్నది. బాలీవుడ్ హీరోయిన్ దీపిక పదుకునే ముఖ్య లీడ్ రోల్ పోషిస్తుంది.