దర్శకుడు గుణశేఖర్ రుద్రమదేవి చిత్రం తర్వాత అయిన చిత్రీకరిస్తున్న చిత్రం శాకుంతలం. ఈ చిత్రంలో సమంత ప్రధాన పాత్రలో నటిస్తుంది. ఇది మహాభారతంలోని ఆదిపర్వం నుండి తీసుకున్న శాకుంతల మరియు దుష్యంతుల ప్రేమ కథ ను తెర రూపంలోకి తీసుకు రాబోతున్నాడు. మొదట శాకుంతల కోసం అనుష్క శెట్టి, నయనతార పేర్లు వినిపించాయి. కానీ చివరికి అక్కినేని వారి కోడలు సమంత ఫైనల్ అయ్యారు.
ఇక ఈ చిత్రంలో ఆమె ప్రియుడు దుష్యంతుడు పాత్ర కోసం గత కొన్ని నెలలు గా సస్పెన్స్ కొనసాగుతూనే ఉంది. తాజా సమాచారం మేరకు గుణశేఖర్ దుష్యంతుడు ని ఫైనలైజ్ చేశాడు. అయిన మరేవరో కాదు మలయాళ నటుడు దేవ్ మోహన్. ఈ చిత్రంలో సమంత ఇతనితోనే రొమాన్స్ చేయనున్నది. నరనిపుజ్హా శనవాస్ దర్శకత్వంలో అమెజాన్ ప్రైమ్ లో లాక్ డౌన్ సమయంలో విడుదలైన చిత్రం “సూఫీయుమ్ సుజాతయుమ్” ఈ చిత్రంలో దేవ్ మోహన్ కూడా నటించాడు. ఇప్పుడు తెలుగులో శాకుంతలం చిత్రం ద్వారా పరిచయం అవ్వుతున్నాడు.
ఈ సందర్భంగా సమంత తన అధికారిక ట్విట్టర్ ద్వారా స్పందించింది “ఇతనే నా అందాల రాకుమారుడు దుష్యంతుడు” అంటూ ట్వీట్ చేస్తూ ఓ వీడియో ను కూడా పోస్ట్ చేసింది. గుణ శేఖర్ ఈ చిత్రాణి భారీ బడ్జెట్ తో నిర్మించనున్నాడు. అందుకోసం భారీగా వి‌ఎఫ్‌ఎక్స్ మరియు పెద్ద పెద్ద సెట్స్ ను నిర్మించనున్నాడు. ఇది ఒక్క ప్యూర్ ప్రేమకథ చిత్రం. శాకుంతల మరియు దుష్యంతుల మధ్య జరిగిన అందమైన ప్రేమకథ. ఈ చిత్రానికి నీలిమ గుణ నిర్మాతగా వ్యవహరిస్తుంది. ఇప్పటికే సమంత శాకుంతల గా విడుదలైన మోషన్ పోస్టర్ ఆకట్టుకుంది. ఇప్పుడు దుష్యంతుడు మోషన్ పోస్టర్ కూడా వైరల్ అవ్వుతుంది.