న్యాచురల్ స్టార్ నాని లాక్ డౌన్ తర్వాత సినిమాల విషయంలో స్పీడ్ పెంచాడు. ఇప్పటికే అధికారికంగా మూడు ప్రాజెక్ట్స్ చేతిలో ఉన్నాయి. అందులో టక్ జగదీష్ చిత్రాని పూర్తి చేశాడు. ఈ చిత్రానికి శివ నిర్వహణ దర్శకత్వం వహించాడు. ఈ చిత్రం నుండి విడుదలైన టీజర్ ఆకట్టుకునే విదంగా ఉంది. నాని నుండి ఎలాంటి సినిమా కావాలని కోరుకుంటున్నారో అలాంటి అన్నీ హంగులు ఉన్న ఫ్యామిలీ మూవీ ఏప్రిల్ 26న ప్రేక్షకుల ముందుకు రాబోతుంది.
ఈ నేపథ్యంలోనే నాని టాక్సీవాలా దర్శకుడు రాహుల్ సాంకృత్యాన్ దర్శకత్వంలో శ్యామ్ సింగరాయ్ అనే చిత్రాని సెట్స్ పైకి తీసుకెళ్ళాడు. పీరియాడికల్ నేపథ్యం కలిగిన చిత్రం గా తెరకెక్కుతుంది. ప్రస్తుతం ఈ చిత్రం యొక్క షూటింగ్ కలకత్తా లో జరుగుతుంది. అక్కడే కీలకమైన సన్నివేశాలను నాని పై రూపొందించనున్నాడు. నేడు నాని పుట్టిన రోజు కావున ఈ చిత్రం నుండి ఫస్ట్ లుక్ ను విడుదల చేశాడు. నాని ఓల్డ్ లోక్ స్టయిల్ లో కొర మీసాలతో షర్ట్ హండ్స్ పైకి మడిచి పొగరుతో చూస్తున్న లుక్ లో వెనుక నుండి ప్రేయసీ రెండు చేతులతో నాని చుట్టుకొని ఉన్న లుక్ ఆకట్టుకుంటుంది.
ఈ చిత్రంలో సాయి పల్లవి, కృతి శెట్టి, మడోనా సెబాస్టియన్ హీరోయిన్స్ గా నటిస్తున్నారు. కీలక పాత్రలో మురళి శర్మ, రాహుల్ రవీంద్రన్ లు నటిస్తున్నారు. నిహారికా ఎంటర్టైన్మెంట్ బ్యానర్ పై వెంకట్ బోయనపల్లి నిర్మిస్తున్నాడు. మిక్కీ జే మేయర్ సంగీతం అందిస్తున్నాడు. ఈ క్రమంలోనే వివేక్ ఆత్రేయ దర్శకత్వంలో ఫ్యామిలీ మూవీ “అంటే సుందరానికి” అనే చిత్రంలో నటించనున్నాడు.