విభిన్న చిత్రాల దర్శకుడు ప్రశాంత్ వర్మ దర్శకత్వంలో వస్తున్న మరో చిత్రం ”జాంబీ రెడ్డి”. ఇంతకు ముందు ఈ దర్శకుడి నుండి అ!, కల్కి, దట్ ఇస్ మహాలక్ష్మి సినిమాలు వచ్చాయి. ఈ చిత్రాలు ఆయనకు మంచి దర్శకుడిగా పేరు తెచ్చి పెట్టాయి. ఇప్పుడు జాంబీ రెడ్డి పేరుతో వస్తున్న మొదటి భారతీయ జాంబి మూవీగా ఈ చిత్రం వస్తుంది.
ఇప్పటికే ఈ చిత్రం నుండి వచ్చిన జాంబీ రెడ్డి ఫస్ట్ బైట్, బిగ్ బైట్ లు సినిమా పై అంచనాలను పెంచాయి. తాజాగా ఈ చిత్రం నుండి లిరికల్ సాంగ్ ను చిత్రా యూనిట్ విడుదల చేసింది. గో కరోనా అంటూ సాగే సాంగ్ వీక్షకులను ఆకట్టుకుంటుంది. ఈ చిత్రానికి మార్క్ కే రాబిన్ సంగీతం అందించాడు. ‘ఇంట్లోనే ఉండమంటే ఊరుకుంటమా.. రోడ్లన్నీ ఖాళీగా ఉంటే రాక ఉంటమా.. ఎవడెన్ని చెప్తా ఉన్నా మేము వింటమా.. మా వీపు పగిలే వరకు మానుకుంటమా’ అంటూ సాగే సాంగ్ కరోనా నేపథ్యంలో ఇండియాలో లాక్ డౌన్ విధించినప్పుడు పరిస్థితులు ఎలా ఉన్నాయో దాన్ని బేస్ చేసుకొని ఈ సాంగ్ ఉంది.
చప్పట్లు కొట్టమంటే డప్పులు కొట్టి, దీపాలు వెలిగించమంటే క్రాకర్స్ కాల్చారు. వైన్ షాప్ ల ముందు సోషల్ డిస్టెన్స్ పాటించమంటే బారులు తీరారు.. ఇలా అన్నీ విషయాలు ఇందులో ప్రస్తావించారు. బాలనటుడిగా గుర్తింపు తెచ్చుకున్న తేజ సజ్జా ఈ చిత్రం తో హీరోగా పరిచయం అవ్వుతున్నాడు. ఆనంది, దక్ష నాగార్కర్ హీరోయిన్స్ గా నటిస్తున్నారు. రఘుబాబు, పృథ్వీరాజ్, జబర్దస్త్ శ్రీను, హేమంత్, హరితేజ, కిరీటీలు నటిస్తున్నారు. ఆపిల్ ట్రీ బబ్యానర్ పై రాజశేకర్ వర్మ ఈ చిత్రాన్ని నిర్మిస్తున్నాడు.