మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఎన్‌టి‌ఆర్ హీరోగా వచ్చిన చిత్రం అరవింద సమేత వీర రాఘవ. ఈ చిత్రంలో పూజ హెగ్డే హీరోయిన్ గా నటించింది. 2018 లో వచ్చిన ఈ చిత్రం ఎన్‌టి‌ఆర్ కెరీర్ లో బ్లాక్ బస్టర్ హిట్టు గా నిలిచింది. ఫ్యాక్షన్ అండ్ ఫ్యామిలీ ఎంటర్ టైనర్ గా ఈ చిత్రం రూపొందింది. ఈ చిత్రంలోని పాటలు ఇప్పటికి ట్రెండ్ సృస్టిస్తున్నాయి.
ఇదే కాంబినేషన్లో మరో చిత్రం రాబోతుంది. ప్రస్తుతం ఎన్‌టి‌ఆర్ ఆర్‌ఆర్‌ఆర్ చిత్రంతో బిజీగా ఉన్నాడు. ప్రస్తుతం క్లైమాక్స్ దశలో ఉంది. దసర కు ఈ చిత్రం విడుదల అవ్వుతుంది. ఇక త్రివిక్రమ్ కూడా అల వైకుంటపురంలో చిత్రంతో సక్సెస్ కొట్టి తారక్ కోసం ఎదురుచూస్తున్నాడు. ఓ వైపు పవన్ కళ్యాణ్ మలయాళం రీమేక్ చిత్రం అయ్యపనుమ్ కొషియమ్ కు స్క్రీన్ ప్లే, మాటలు అందిస్తున్నాడు. మరో వైపు ఎన్‌టి‌ఆర్ తో చేయబోయే సినిమాకోసం ప్రీ ప్రొడక్షన్ వర్క్ స్టార్ట్ చేస్తున్నాడు.
తారక్ కోసం ఆఫ్ఘన్ నటి వారిన హుస్సైన్ ను ఎంపిక చేసినట్లుగా సోషల్ మీడియాలో వార్తలు వస్తున్నాయి. మొదట మోడల్ గా కెరీర్ ను స్టార్ట్ చేసిన ఈ నటి ఆ తర్వాత సల్మాన్ ఖాన్ నిర్మాత గా లవ్ యాత్రి అనే సినిమాలో నటిగా ఛాన్స్ కొట్టేసింది. ఈ చిత్రంలో అర్పితా ఖాన్ భర్త అయూష్ శర్మ హీరోగా నటిస్తున్నాడు. బాలీవుడ్ లో వారిన హుస్సైన్ కు ఇది మొదటి చిత్రం. ఎన్‌టి‌ఆర్, త్రివిక్రమ్ కాంబినేషన్ లో రాబోయే చిత్రంలో సెకండ్ హీరోయిన్ గా వారిన హుస్సైన్ ను తీసుకొనున్నారని సమాచారం. ఈ విషయంపై త్రివిక్రమ్ శ్రీనివాస్ నుండి అధికారిక ప్రకటన రావలిసి ఉంది. ఎన్‌టి‌ఆర్ ఆర్ట్స్, హారిక అండ్ హాసిని క్రియేషన్స్ బ్యానర్ పై ఈ చిత్రం రూపొందనున్నది.