దగ్గుపాటి రానా పుట్టిన రోజు ఈరోజు. ఈ సందర్భాంగా విరాటపర్వం యూనిట్ ఫస్ట్ గ్లింప్స్ విడుదల చేసి ఆకట్టుకున్నారు. లీడ‌ర్ సినిమాతో వెండితెర‌కు ప‌రిచ‌య‌మైన రానా ప‌లు భాష‌లలో ప్ర‌తిష్టాత్మ‌క సినిమాలు చేస్తూ ప్రేక్ష‌కుల‌ని ఎంత‌గానో అల‌రిస్తున్నాడు. ప్ర‌స్తుతం తెలుగులో విరాట ప‌ర్వం సినిమా చేస్తున్నాడు. ఎస్‌.ఎల్‌.వి సినిమాస్‌ పతాకంపై సుధాకర్‌ చెరుకూరి ఈ సినిమాను నిర్మిస్తున్న ఈ సినిమాకు సురేష్ బొబ్బిలి సంగీతాన్ని అందిస్తున్నారు. వేణు ఊడుగుల దర్శకత్వం వ‌హిస్తున్నారు. నివేదా పెతురాజ్, ప్రియమణి, నందితాదాస్‌, నవీన్‌చంద్ర, జరీనా వహాబ్‌, ఈశ్వరీరావ్‌, సాయిచంద్‌, బెనర్జీ ప్రధాన పాత్రల్లో నటిస్తున్నారు.
ఈరోజు రానా బర్త్ డే కానుకగా ఫస్ట్ గ్లింప్స్‌ను విడుదల చేసింది చిత్ర యూనిట్. ఈ వీడియో లో అడవులు, జలపాతాలు, అమాయకులైన గ్రామస్థులు, నక్సలైట్ సమావేశాలు, పోరాటాలను ఈ వీడియోలో చూపించారు. విజువల్స్, నేపథ్య సంగీతం బాగున్నాయి. ఈ సినిమాలో కామ్రేడ్ రవన్న పాత్రలో రానా కనిపించబోతున్నాడు. 1990లో జ‌రిగిన య‌దార్ధ సంఘ‌ట‌న‌ల నేప‌థ్యంతో ఈ సినిమాని రూపొందిస్తున్నారు. సాయి ప‌ల్ల‌వి క‌థానాయిక‌గా న‌టిస్తుంది. https://www.youtube.com/embed/h61WbdVGJIs