ప్రస్తుతం టాలీవుడ్ యంగ్ హీరోల్లో విజయ్ దేవరకొండ కు ఉన్నంత క్రేజ్ మరే హీరోకు లేదు అనడం లో ఎలాంటి సందేహం లేదు. ఆయన నటించిన అర్జున్ రెడ్డి మరియు గీతగోవిందం సినిమాల తో ఒక్కసారిగా టాలీవుడ్ స్టార్ హీరోయిన్ గా నిలిచాడు. ఆ సినిమాల తర్వాత వచ్చిన డియర్ కామ్రేడ్, నోట, వరల్డ్ ఫేమస్ లవర్ సినిమాలు నిరాశ మిగిల్చిన కూడా ఇంకా విజయ్ దేవరకొండ నెంబర్ వన్ గా కొనసాగుతున్నాడు. తన క్రేజ్ ని కొనసాగించేందుకు ఇకపైన వరుసగా విజయాలు దక్కించుకోవాలని తీవ్రంగా కృషి చేస్తున్నాడు.
ప్రస్తుతం పూరి జగన్నాథ్ దర్శకత్వంలో ఒక సినిమా చేస్తున్న విజయ్ దేవరకొండ ఆ తర్వాత శివ నిర్వాణ దర్శకత్వంలో మరో సినిమాకు ఇప్పటికే ఓకే చెప్పాడు. మజిలీ సినిమా తో పాటు అంతకు ముందు నిన్ను కోరి సినిమాలతో దర్శకుడిగా సక్సెస్ దక్కించుకున్న శివ నిర్వాణ ప్రస్తుతం నాని హీరోగా ఒక సినిమా చేస్తున్న విషయం తెలిసిందే.
ఆ సినిమా పూర్తయిన వెంటనే విజయ్ దేవరకొండ తో సినిమా మొదలు పెట్టబోతున్నాడు. అంటే వచ్చే ఏడాది వేసవిలో వీరిద్దరి కాంబోలో సినిమా షూటింగ్ ప్రారంభం అయ్యే అవకాశం ఉందని సమాచారం అందుతోంది. ఇక ఈ సినిమాలో విజయ్ దేవరకొండ ను ఆర్మీ మేజర్ గా చూపించేందుకు దర్శకుడు శివ నిర్వాణ కథను రెడీ చేశాడు. ఇప్పటి వరకు విజయ్ దేవరకొండ ఆర్మీ పాత్రలో కనిపించలేదు. మొదటిసారి ఆర్మీ మేజర్ గా కనిపించబోతున్న నేపథ్యంలో సినిమాపై అంచనాలు ఆకాశాన్ని తాకేలా ఉన్నాయి.
ఈ సినిమా శివ నిర్వాణ గత సినిమాల మాదిరిగానే తప్పకుండా విజయాన్ని అందుకుంటుందని నమ్మకం వ్యక్తం అవుతుంది. సినిమాకు సంబంధించిన పూర్తి వివరాలు మరికొన్ని రోజుల్లో అధికారికంగా ప్రకటించే అవకాశం ఉంది. ఇప్పటికే సూపర్ స్టార్ మహేష్ బాబు, అల్లు అర్జున్ లతోపాటు పలువురు హీరోలు ఆర్మీ మేజర్ పాత్రల్లో కనిపించారు. ఇప్పుడు విజయ్ దేవరకొండ ఆ పాత్రలో కనిపించబోతున్న నేపథ్యంలో అంచనాలు భారీగా ఉంటాయి. మరి ఆ అంచనాలను రౌడీ స్టార్ అందుకుంటాడా లేదా అనేది చూడాలి.