రౌడీ హీరో విజయ్ దేవరకొండ ఖాతాలో మరో రికార్డు చేరింది. ఫాలోయింగ్‌ విషయంలో ఇప్పటికే బాలీవుడ్‌ స్థాయిని చేరుకున్న విజయ్ దేవరకొండ తాజాగా సోషల్ మీడియా ఇన్‌స్టాగ్రమ్‌లో మరో మైలు రాయిని చేరుకున్నారు. ఇన్‌స్టాగ్రమ్‌లో ఏకంగా కోటి మంది ఫాలోవర్స్ దక్కింకుకొని రికార్డు సృష్టించాడు. సౌత్ ఇండియన్ స్టార్స్ లలో కోటి మంది ఫాలోవర్స్ ఉన్న నటుడి గా విజయ్ రికార్డు నెలకొల్పడం అభిమానుల్లో సంబరాలు నింపుతుంది.
తన డిఫరెంట్ ఆటిట్యూడ్, స్టైల్‌తో తనకంటూ సపరేట్ ఫ్యాన్ బేస్‌ను క్రియేట్ చేసుకున్నారు విజయ్. ఇక సోషల్ మీడియాలో కూడా తనదైన స్టైల్లో క్రియేటివ్‌గా పోస్ట్‌లు పెడుతూ అందరినీ ఆకట్టుకుంటున్నారు రౌడీ హీరో. అందుకే ఇంతమంది విజయ్‌కు ఫిదా అయ్యారు. తను ఓ ఫోటో పెట్టినా, వీడియో పెట్టినా లైకులు, కామెంట్లతో అభిమానులు ప్రేమ కురిపిస్తారు. ఇన్‌స్టాగ్రామ్‌లో తన ఫాలోవర్ల సంఖ్య 10 మిలియన్ దాటడంపై విజయ్ దేవరకొండ సైతం సంతోషం వ్యక్తం చేశారు.