దగ్గుపాటి వెంకటేష్..ఈ పేరు తెలియని సినీ ప్రేక్షకులు లేరు. 1986లో కలియుగ పాండవులు చిత్రంతో సినీరంగ ప్రవేశం చేసిన వెంకీ.. నటుడిగా రెండేళ్ళ ప్రాయంలోనే, ఆయన కాశీనాధుని విశ్వనాధ్ దర్శకత్వం వహించిన స్వర్ణకమలంలో నటించి ఎన్నో ప్రశంసలు అందుకున్నారు. అదే సంవత్సరంలో విడుదలైన వారసుడొచ్చాడు, చిత్రం కూడా ఆయనకు మంచి గుర్తింపునిచ్చింది. కొన్ని పరాజయాల తర్వాత మొదటి విజయం బొబ్బిలి రాజా రూపంలో లభించింది. బొబ్బిలి రాజా సంగీతపరంగా కూడా మంచి విజయం సాధించింది. ఈ చిత్రం అన్ని వర్గాల ప్రేక్షకులను ఆకట్టుకుంది. ఆ తర్వాత వరుస చిత్రాలతో ఫ్యామిలీ హీరోగా పేరు తెచ్చుకున్నాడు.
రేపటి నుండి ఈయన 60 వ వసంతంలోకి అడుగుపెడుతున్నారు. ఈ సందర్భాంగా ఆయన తాలూకా సరికొత్త ఫోటో షూట్ ప్రస్తుతం సోషల్ మీడియా లో చక్కర్లు కొడుతుంది. ఈ స్టిల్స్‌లో సాల్ట్ అండ్ పెప్పర్ లుక్‌లో, గెడ్డంతో స్టైలిష్‌గా అట్రాక్ట్ చేస్తున్నారు. ఇక సినిమాల విషయానికి వస్తే ప్రస్తుతం శ్రీకాంత్ అడ్డాల డైరెక్షన్లో నారప్ప చిత్రం చేస్తున్నాడు. ఈ మూవీలో పవర్‌ఫుల్, ఇంటెన్స్ రోల్‌లో ఆయన కనిపించనున్నారు. ఇప్పటికే విడుదలైన పోస్టర్స్ సినిమాపై భారీ హైప్ క్రియేట్ చేశాయి. వెంకీ పుట్టినరోజు సందర్భంగా ‘నారప్ప’ గ్లింప్స్ ఈ రోజు (డిసెంబర్ 12) రాత్రి 8:00 గం లకు విడుదల చేయనున్నారు. ఈ మూవీ తర్వాత బ్లాక్‌బస్టర్ డైరెక్టర్ అనిల్ రావిపూడి దర్శకత్వంలో మెగా ప్రిన్స్ వరుణ్ తేజ్‌తో కలిసి ‘F3’ చేయనున్నారు.