వెంకీ మామ చిత్రం తర్వాత విక్టరీ వెంకటేష్ హీరోగా నటిస్తున్న చిత్రం నారప్ప. తమిళంలో ధనుష్ హీరోగా వెట్రీమారన్ దర్శకత్వంలో వచ్చిన అసురన్ చిత్రానికి రీమేక్ గా తెలుగులో నారప్ప వస్తుంది. ఈ చిత్రంలో ప్రియమణి హీరోయిన్ గా నటిస్తుంది. ప్రకాష్ రాజు, కార్తీక్ రత్నం కీలక పాత్రలో నటిస్తున్నారు. ఈ చిత్రం యాక్షన్ డ్రామా గా రూపొందుతుంది.
శ్రీకాంత్ అడ్డాల ఈ చిత్రానికి దర్శకత్వం వహిస్తున్నాడు. కొత్త బంగారులోకం, సీతమ్మ వాకిట్లో సిరిమల్లె చెట్టు, ముకుంద వంటి సూపర్ హిట్టు చిత్రాలను రూపొందించాడు. మహేష్ బాబు తో బ్రహ్మోత్సవం సినిమా తీసి విమర్శల పాలు అయ్యాడు. ఇప్పుడు తమిళ్ అసురన్ తో నారప్ప గా రాబోతున్నాడు. తాజా సమాచారం మేరకు ఈ చిత్రం షూటింగ్ పూర్తి చేసుకుంది మే 14 న ఈ చిత్రం వరల్డ్ వైడ్ గా విడుదల అవ్వుతుంది.
మే 13 న చిరంజీవి ఆచార్య చిత్రం విడుదల అవ్వుతున్న సంగతి తెలిసిందే. నారప్ప సినిమాపై ఉన్న నమ్మకంతో పోటీ ఉన్న గాని… భరినుండి వెంకటేష్ తప్పుకునేలా లేడు. వెంకటేష్ సినీ కెరీర్ లో మొదటిసారి చిరంజీవి చిత్రంతో తలపడుతున్నాడు. సురేష్ ప్రొడక్షన్స్ బ్యానర్ పై కలైపులి ఎస్ థాను, సురేష్ బాబు లు ఈ చిత్రాని నిర్మిస్తున్నారు. మణిశర్మ సంగీతం అందిస్తున్నాడు.
ఇప్పటికే వెంకటేష్ నారప్ప చిత్రం నుండి ఫస్ట్ గ్లింప్స్ తో ఆకట్టుకున్నాడు. దగ్గుబాటి అభిమానులు ఈ చిత్రం కోసం ఎంతగానో ఎదురుచూస్తున్నారు. ఈ నేపథ్యంలో వెంకటేష్ ఎఫ్ 2 చిత్రానికి సీక్వెల్ గా ఎఫ్ 3 చిత్రంలో నటిస్తున్నాడు. ఈ చిత్రానికి అనీల్ రావిపూడి దర్శకత్వం వహిస్తున్నాడు.