తమిళ నటుడు విజయ్ సేతుపతి తన విలక్షణ నటనతో అందరిని ఆకట్టుకుంటున్నాడు. తాజాగా ఆయన నటించిన చిత్రం మాస్టర్ లో పవర్ ఫుల్ ప్రతి నాయకుడి పాత్రలో నటించాడు. సినిమాకు డివైడ్ టాక్ వచ్చిన విజయ్ నటనకు తెలుగు, తమిళ ప్రేక్షకులు ఫిధా అవ్వుతున్నారు. ఈ నేపథ్యంలోనే శనివారం నాడు ఆయన బర్త్ డే రావడంతో బాలీవుడ్ లో మరి సినిమాకు సంతకం చేశాడు. అందులో ఓ చిత్రం మూకీ పాత్రలో నటించాలిసి ఉంటుంది.
కిశోర్ పాండురంగ్ బేలేఖర్ దర్శకత్వం వహిస్తాడు. ఈ చిత్రానికి గాందీ టాక్స్ అనే టైటిల్ ను ఖరారు చేశారు. ప్రస్తుతం ఆయన ముంబైకర్ అనే చిత్రంతో బాలీవుడ్ ఎంట్రీ ఇవ్వనున్నాడు. ఇక తెలుగు సినిమా విషయానికి వస్తే మెగాస్టార్ చిరంజీవి సైరా నరసింహా రెడ్డి చిత్రంలో ఓ కీలక పాత్రతో టాలీవుడ్ ఎంట్రీ ఇచ్చాడు. ఆ పాత్రకు తెలుగు ప్రేక్షకుల నుండి మంచి రెస్పాన్స్ వచ్చింది. తాజాగా ఆయన నటిస్తున్న మరో చిత్రం ఉప్పెన. బుచ్చి బాబు సన దర్శకత్వంలో పంజా వైష్ణవ్ తేజ్ హీరోగా, కృతి శెట్టి హీరోయిన్ గా నటిస్తుంది.
సుకుమార్ రైటింగ్స్ లో మైత్రి మూవీస్ ఈ చిత్రాన్ని నిర్మిస్తుంది. దేవి శ్రీ ప్రసాద్ సంగీతం అందిస్తున్నాడు. ఇప్పటికే ఈ చిత్రం నుండి టిజర్ ను రిలీజ్ చెయ్యడంతో మంచి ఆదరణ లభించింది. విజయ్ సేతుపతి పుట్టినరోజు సందర్భంగా ఉప్పెన చిత్ర యూనిట్ ఫస్ట్ లుక్ ను విడుదల చేసింది. ఈ ఫస్ట్ లుక్ లో విజయ్ సేతుపతి సీరియస్ లుక్ లో చేతిలో బ్లాక్ కూలింగ్ స్పెడ్స్ , కాటన్ షర్ట్, తెల్ల పంచే ధరించి ఫోన్ లో ఎవరితో సీరియస్ గా మాట్లాడుతున్న లుక్ ను విడుదల చేసింది.
ఈ లుక్ పై మెగా ఫ్యాన్స్ నుండి, సినీ ప్రేక్షకుల నుండి మంచి రెస్పాన్స్ వస్తుంది. ఉప్పెన కథ విషయానికి వస్తే ఓ పేదింటి అబ్బాయికి… ఓ కాలేజీ అమ్మాయి కి మధ్య ప్రేమ చిగురిస్తుంది. వీరి ప్రేమ ఎక్కడికి దారి తీస్తుంది అనేది కథాంశం. ఉప్పెన చిత్రం షూటింగ్ పూర్తి చేసుకొని విడుదలకు సిద్దంగా ఉంది.