బాలీవుడ్ లో అమితాబ్ బచ్చన్ నటించిన పింక్ చిత్రాని తెలుగులో వకీల్ సాబ్ పేరుతో రీమేక్ అయ్యింది. ఈ చిత్రానికి వేణు శ్రీ రామ్ దర్శకత్వం వహించాడు. శ్రీ వేంకటేశ్వర క్రియేషన్స్ బ్యానర్ పై దిల్ రాజు, బోణి కపూర్ లు నిర్మించారు. లాక్ డౌన్ సమయంలో ఈ చిత్రం నుండి పవన్ కళ్యాణ్ యొక ప్రీ లుక్ ను మాత్రమే విడుదల చేశారు. అప్పటి నుండి పవర్ స్టార్ ఫ్యాన్స్ ఈ చిత్రం యొక్క అప్డేట్ గురించి ఎదురుచూస్తేనే ఉన్నారు.
అప్పుడప్పుడు సోషల్ మీడియాలో వకీల్ సాబ్ షూటింగ్ జరుపుకుంటున్న సమయంలో పవన్ కళ్యాణ్ ఫోటోలు దర్శనం ఇచ్చేవి. వాటితోనే అభిమానులు ఇన్ని రోజులు సరిపెట్టుకున్నారు. ఇక టాలీవుడ్ నుండి సినిమాలు విడుదల తేదీలను అనౌన్స్ చేస్తున్న తరుణంలో పవన్ కళ్యాణ్ ఫ్యాన్స్ కూడా నిర్మాతలు బోణి కపూర్, దిల్ రాజు లపై ఒత్తిడి తీసుకువచ్చారు. ఈ నేపథ్యంలోనే వకీల్ సాబ్ టీజర్ ను విడుదల చేశారు. ఈ టీజర్ ట్విటర్ లో ట్రెండ్ సృష్టించింది. ఇక సినిమా విడుదల విషయంలో క్లారీటి ఇవ్వాలని కోరడంతో పవన్ కళ్యాణ్ లుక్ తో వకీల్ సాబ్ రిలీజ్ డేట్ ను అనౌన్స్ చేశారు.
ఏప్రిల్ 9 న వరల్డ్ వైడ్ గా ఈ చిత్రం విడుదల అవ్వుతుంది. పవన్ కళ్యాణ్ లుక్ తో సినిమాపై అంచనాలు పెరిగాయి. అభిమానులు ఈ చిత్రం విడుదల కోసం కాసుకొని ఉన్నారు. ఇప్పటికే 50 శాతం సిట్టింగ్ క్యాపాసిటీ తో సినిమాలు విడుదల అవ్వుతున్నాయి. ఏప్రిల్ నాటికి 100 శాతం ఆక్యుపెన్సీ తో థియేటర్స్ కళకళ లాడనున్నాయి. కావున అదే మంచి సమయం అని భావించి వకీల్ సాబ్ చిత్రాని రెండు తెలుగు రాష్ట్రాల్లో అత్యధిక స్క్రిన్స్ పై ఈ చిత్రాని విడుదల చేస్తున్నారు. పవర్ స్టార్ పవన్ కళ్యాణ్ చిత్రంతో సినిమా థియేటర్ లు పూర్తిగా 100% ఆక్యుపెన్సీ తో నిండనున్నాయని తెలుస్తుంది. ఈ చిత్రంలో శృతి హాసన్ హీరోయిన్ గా నటిస్తుంది. అంజలి, నివేత థామస్ లు కీలక పాత్రలో నటిస్తున్నారు. ప్రకాష్ రాజ్ మరో కీలక పాత్రలో నటిస్తున్నాడు. ఈ చిత్రానికి థమన్ సంగీతం అందిస్తున్నాడు.