నేచురల్ స్టార్ నాని జెట్ స్పీడ్ లో ఉన్నాడు. వరుస పెట్టి సినిమాలు ప్రకటించడమే కాదు ..అంతే త్వరగా పూర్తి చేస్తున్నాడు. నాని ఈ ఏడాది ‘V’ చిత్రంతో ప్రేక్షకుల ముందుకు వచ్చారు. ఓటీటీ ద్వారా విడుదలైన ఈ చిత్రం ప్రేక్షకులను పెద్దగా ఆకట్టుకోలేకపోయింది. సుధీర్ బాబు మరో హీరోగా నటించిన ఈ చిత్రానికి ఇంద్రగంటి మోహన్‌క్రిష్ణ దర్శకత్వం వహించారు. ఈ సినిమా సెట్స్ ఫై ఉండగానే శివ నిర్వాణ ద‌ర్శక‌త్వంలో ‘టక్ జగదీష్’ మూవీ ప్రకటించాడు. ప్రస్తుతం ఈ మూవీ లాస్ట్ షెడ్యూల్ షూటింగ్ శుక్రవారం మొదలుపెట్టుకుంది. సంక్రాంతి బరిలో సినిమానుప్రేక్షకుల ముందుకు తీసుకరావాలని చూస్తున్నారు.
ఈ సినిమాలో రీతు వ‌ర్మ, ఐశ్వర్యా రాజేష్ హీరోయిన్లుగా నటిస్తుండగా.. జగపతి బాబు, రావు రమేష్, నరేష్, నాజర్, దేవదర్శిని, రోహిణి, మాల పార్వతి, డేనియల్ బాలాజి, తిరువీర్, ప్రవీణ్ ప్రధాన పాత్రలు పోషిస్తున్నారు. ఎస్‌. త‌మ‌న్ సంగీతం స‌మ‌కూరుస్తున్న ఈ చిత్రానికి ప్రసాద్ మూరెళ్ల సినిమాటోగ్రాఫ‌ర్‌గా ప‌నిచేస్తున్నారు.