పవన్ కళ్యాణ్ హీరోగా త్రివిక్రమ్ శ్రీనివాస్ దర్శకత్వంలో ఇప్పటికే ఓ మూడు సినిమాలు వచ్చాయి. అందులో రెండు చిత్రాలు మంచి విజయం సాదించాయి. ఒక్క అజ్ఞాతవాసి చిత్రం మాత్రమే నిరాశ పరిచింది. జల్సా, అత్తరింటికి దారేది చిత్రాలు అటు పవన్, ఇటు త్రివిక్రమ్ కు మంచి పేరును తీసుకువచ్చాయి. జల్సా సినిమా టైమ్ నుండి త్రివిక్రమ్ కు పవన్ కు మధ్య మంచి ఫ్రెండ్షిప్ ఏర్పడింది.
అప్పటి నుండి పవన్ కళ్యాణ్ కోసం మంచి మంచి కథలను రాస్తూనే ఉన్నాడు. ఆ నేపథ్యంలోనే పవన్ కళ్యాణ్ కోసం కొబలి అనే కథను రాశాడు. ఈ కథను అత్తరింటికి దారేది చిత్రం తర్వాత రూపొందించాలి అనుకున్నాడు. కానీ పవన్ పోలిటికల్ ఎంట్రీ ఇవ్వడంతో ఈ కథను హోల్డ్ లో పెడుతూ వచ్చాడు త్రివిక్రమ్ శ్రీనివాస్, కాలానికి అనుగుణంగా ఆ స్క్రిప్ట్ లో మార్పులు కూడా చేస్తున్నాడు. అయితే ఇప్పుడు ఈ కథను అమ్మేసే ఆలోచనలో త్రివిక్రమ్ ఉన్నట్లుగా వార్తలు వస్తున్నాయి.
పవన్ కళ్యాణ్ తో ఇప్పట్లో ఆ కథను తెరపైకి తీసుకురాలేడు. పవన్ ఇప్పటికే మరో నాలుగు ఐదు సినిమాలు చేతిలో ఉన్నాయి. త్రివిక్రమ్ కూడా పవన్ కోసం అంత వరకు వెయిట్ చేసే ఆలోచనలో లేడు. కావున కొబలి కథను పూర్తి చేసి అమ్మేసే ఆలోచనలో ఉన్నాడు అని సమాచారం. త్రివిక్రమ్ తన తదుపరి సినిమాను మహేశ్ తో చెయ్యబోతున్నట్లుగా ప్రకటన వచ్చింది. అల వైకుంటపురం చిత్రం తర్వాత మరో సినిమాను రూపొందించుకుండా ఖాళీగా ఉన్నాడు. మరి కొబలి కథను ఏ దర్శక నిర్మాతలు దక్కించుకుంటారో చూడాలి మరి.