పవర్ స్టార్ పవన్ కల్యాణ్ సినిమాలు రీమేక్ చేస్తాడని తెలుసు కానీ… రీమేక్ సనిమాలు మాత్రమే చేస్తున్నాడనే టాక్ వినిపిస్తోంది. అయితే ఎలాంటి కథలు చేసిన అభిమానులు పవన్ కల్యాణ్ సినిమా చూసేందుకు ప్రేక్షకులు ఎంతో ఆతృతగా ఎదురు చూస్తుంటారు. అయినప్పటికీ సినిమా విశ్లేషకులు మాత్రం పవన్ కల్యాణ్ రీమేక్ కథలు మాత్రమే చేయడం బాగాలేదంటూ కామెంట్లు చేస్తున్నారు.
వకీల్ సాబ్ సినిమాతో రీ ఎంట్రీ ఇచ్చిన తర్వాత స్టార్ తీసుకుంటున్న నిర్ణయాలు, తీసుకుంటున్న కథలు పట్ల చాలా మంది అసంతృప్తి వ్యక్తం చేస్తున్నారు. వరుస సినిమాలు చేస్తున్నాడే కానీ కేవలం రీమేక్ సినిమాలు మాత్రమే చేస్తున్నారు. ఇదే చాలా మంది దర్శకులకు కూడా నచ్చడం లేదట. ఆయన ఊ అంటే కథలు సిద్ధం చేసేందుకు చాలా మంది డైరెక్టర్లు క్యూలో నిల్చుంటారు. కానీ పవన్ కు ఇప్పుడు అంత టైమ్ లేదట. అందుకే రీమేక్ సినిమాల్లో నటిస్తున్నారని టాక్.
హరీష్ శంకర్ దర్శకత్వంలో భవదీయుడు భగత్ సింగ్, క్రిష్ హరిహర వీరమల్లు సినిమాలు తప్ప మిగిలినవన్నీ రీమేక్ కథలే. వకీల్ సాబ్, భీమ్లా నాయక్, త్వరలో మొదలు కానున్న ధరమ్ తేజ్ సినిమాలు రీమేక్ కథలే. అయితే రాబోయే మరిన్ని రీమేక్ సినిమాల్లో కూడా పవన్ కల్యాణ్ కనిపించనున్నట్లు తెలుస్తోంది. అయితే ఆయన కెరీర్ కు బ్రేక్ ఇచ్చిన సుస్వగతం, ఖుశి సినిమాలు కూడా రీమేక్ కథలేనంట. పవన్ కు ఎక్కువగా రీమేక్ కథలంటేనే ఇష్టమట. అందుకే ఆయన ఎక్కువగా రీమేక్ సినిమాల వైపు మొగ్గు చూపుతున్నారట.