ఏజెంట్ సాయి శ్రీనివాస్ ఆత్రేయ సినిమా ద్వారా హీరోగా పరిచయం అయిన నవీన్ పోలిశెట్టి మంచి గుర్తింపు తెచ్చుకున్నాడు. తక్కువ సమయంలోనే హీరోగా తనకు సఫరేట్ ఫ్యాన్ ఫాలోయింగ్ ను ఏర్పరుచుకున్నాడు. అనుదీప్ దర్శకత్వంలో జాతిరత్నాలు అనే సినిమాలో హీరోగా నటించాడు. ఈ చిత్రం విడుదలై మంచి టాక్ ను దక్కించుకుంది. బాక్స్ ఆఫీస్ ను షేక్ చేస్తూ మంచి కలెక్షన్స్ ను రాబడుతుంది.
జాతి రత్నాలు చిత్రం తర్వాత నవీన్ పోలిశెట్టి బాహుబలి స్టార్ హీరోయిన్ అనుష్క శెట్టి తో ఓ చిత్రంలో నటించే ఛాన్స్ కొట్టేశాడు. ఈ చిత్రాని మహేశ్ అనే కొత్త దర్శకుడు రూపొందిస్తున్నాడు. త్వరలోనే ఈ సినిమా షూటింగ్ మొదలవ్వనున్నది. తాజాసమాచారం మేరకు నవీన్ పోలిశెట్టి మరో సినిమాలో హీరోగా ఛాన్స్ కొట్టేసినట్లుగా వార్తలు వస్తున్నాయి. హారిక అండ్ హాసిని క్రియేషన్స్ బ్యానర్ లో నటించేందుకు నవీన్ ఓకే చెప్పినట్లుగా తెలుస్తుంది.
ఈ చిత్రానికి గాను నవీన్ ఏకంగా 5 కోట్ల రూపాయలను పారితోషికంగా తీసుకున్నాడని సమాచారం. జాతి రత్నాలు సినిమాకు 2.5 కోట్లు తీసుకుంటే తన తదుపరి సినిమాకు ఏకంగా దానిని డబుల్ చేశాడు. నవీన్ కు ప్రస్తుతం ఉన్న మార్కెట్ చూసుకుంటే ఆ మాత్రం రెమ్యూనరేషన్ ఇవ్వడంలో ఎలాంటి సందేహం అక్కర్లేదు. ప్రస్తుతం నవీన్ పోలిశెట్టి జాతిరత్నాలు సక్సెస్ మూడ్ లో ఉన్నాడు. మరో నెల రోజుల్లో తన తదుపరి సినిమాను మొదలు పెట్టె అవకాశం ఉంది.