పెళ్లిచూపులు సినిమాతో టాలీవుడ్ లోకి ఎంట్రీ ఇచ్చిన విజయ్ దేవరకొండ.. ఆ తర్వాత అర్జున్ రెడ్డి సినిమాతో ఓవర్ నైట్ స్టార్ గా ఎదిగాడు. ఇక పరుశురాం డైరెక్షన్లో గీతా గోవిందం సినిమాతో వంద కోట్ల క్లబ్ లోకి చేరిపోయాడు. దీనితో విజయ్ పాపులారిటీ ఎక్కడికో వెళ్లిపోయింది. కానీ ఆ తరవాత వచ్చిన సినిమాలేవీ కూడా బాక్స్ ఆఫీస్ దగ్గర విజయం సాధించలేకపోయాయి. అయినాగానీ విజయ్ ఫ్యాన్ ఫాలోయింగ్ ఏమాత్రం తగ్గలేదు. ప్రస్తుతం డాషింగ్ డైరెక్టర్ పూరి జగన్నాధ్ డైరెక్షన్లో స్పోర్ట్స్ బ్యాగ్రౌండ్‌లో ఫైటర్ చిత్రంలో నటిస్తున్నాడు. ప్యాన్ ఇండియా చిత్రంగా తెరకెక్కుతోన్న ఈ సినిమాను ఛార్మి, కరణ్ జోహార్‌లు కలిసి నిర్మిస్తున్నారు.
తెలుగు హిందీ భాషాల్లో మాత్రమేకాకుండా ఇండియాలోని ప్రధాన భాషాల్లో ఈ సినిమా విడుదలకానుంది. ఫైటర్‌లో విజయ్‌కు జోడిగా హిందీ భామ, స్టార్ కిడ్ అనన్య పాండే నటిస్తోంది. కాగా ఈ మూవీ లో ఒక ముఖ్యమైన రోల్ కోసం మలయాళ స్టార్ నటుడు సురేష్ గోపిని ఎంపిక చేసినట్టు వార్తలొస్తున్నాయి. ఒకవేళ అదే నిజమైతే సురేష్ గోపి కోసం ప్రత్యేకమైన పాత్రే ఉంటుందనడంలో సందేహం లేదు. అలాగే ఇంకొక ముఖ్యమైన రోల్ కోసం స్టార్ నటి రమ్యకృష్ణను తీసుకున్నారు. ఆ పాత్ర కోసం ఆమెకు పెద్ద మొత్తంలోనే రెమ్యునరేషన్ ఇస్తున్నారట. మరి ఇంత భారీ ఎత్తున తెరకెక్కుతున్న ఈ చిత్రం బాక్స్ ఆఫీస్ వద్ద ఎంత పెద్ద విజయం సాధిస్తుందో చూడాలి.