స్టార్ కమెడియన్ సునీల్ గురించి ఎంత మాట్లాడుకుంటే అంత నవ్వు వస్తుంటుంది. ఆయన నటించిన చాలా సినిమాలు సూపర్ డూపర్ హిట్టుగా నిలిచాయి. సునీల్ ఉంటే చాలు కాసేపు హాయ్ గా థియేటర్ కు వెళ్ళి నవ్వుకోవచ్చు అనుకునే ప్రేక్షకులు ఉన్నారు. అలాంటి సునీల్ తన నవ్వులను దూరం చేస్తూ హీరోగా మారి సినిమాలోకి ఎంట్రీ ఇచ్చాడు.
ఏకంగా ఫ్యామిలీ ప్యాక్ లాంటి బాడిని సిక్స్ ప్యాక్ బాడిని చేసి మొదటి సినిమాతోనే అదిరిపోయే హిట్టును కొట్టాడు. ఆ తర్వాత ఓ రెండు మూడు సినిమాలు పర్వాలేదు అనిపించిన ఆ తర్వాత సినిమాలు మొత్తం ఫ్లాప్ లు అయ్యాయి. ఇక చేసేది ఏమి లేక మరల కామిడీ సినిమాలను నమ్ముకున్నాడు. అలాగే కాస్త డిఫరెంట్ గా విలన్ గా చేయడానికి కూడా వెనకాడటం లేదు.
రవి తేజ డిస్కో రాజ సినిమాలో విలన్ పాత్రలో నటించి మెప్పించాడు. ఆ తర్వాత కలర్ ఫోటో సినిమాలో కూడా విలన్ రోల్ చేసి ఆకట్టుకున్నాడు. ఇప్పుడు మరోసారి ఓ డిఫరెంట్ కథతో హీరోగా ఎంట్రీ ఇస్తున్నాడు. ఈ చిత్రానికి డి‌టి‌ఎస్ డేర్ టూ స్లీప్ అనే క్యాప్షన్ తో డిఫరెంట్ టైటిల్ పెట్టి ఆకట్టుకున్నాడు. సునీల్ నటిస్తున్న మొట్టమొదటి హర్రర్ చిత్రం ఇది.
ఈ చిత్రానికి అభిరామ్ పిల్ల దర్శకత్వం వహిస్తున్నాడు. టాలీవుడ్ మ్యూజిక్ డైరెక్టర్ సాయి కార్తీక్ ఈ చిత్రాని ఎస్‌ఎస్ స్టూడియోస్ పై నిర్మిస్తున్నాడు. అంతేగాక ఈ చిత్రానికి సంగీతం కూడా అందిస్తున్నాడు. కన్నడ హీరోయిన్స్ డొనల్, నటాషా లు నటిస్తున్నారు.