తెలుగు సినిమాకు సుమంత్ అశ్విన్ తూనీగ తూనీగ చిత్రంతో పరిచయం అయ్యాడు. ఇప్పటివరకు దాదాపుగా పది చిత్రాలకు అటు ఇటూగా నటించాడు. కెరీర్ లో గుర్తింపు తెచ్చిన చిత్రం అంటే కేరింత. ఈ చిత్రం ఆయన కెరీర్ లో బిగ్గెస్ట్ హిట్టు అని చెప్పాలి. ఇక ప్రస్తుతం గురప్ప పరమేశ్వర ప్రొడక్షన్స్ పై గురు పవన్ దర్శకత్వంలో సుమంత్ అశ్విన్ హీరోగా ఇదే మా కథ అనే చిత్రంలో నటించాడు. ఈ చిత్రంలో తాన్య హోప్ హీరోయిన్ గా నటించింది.
ప్రముఖ హీరో శ్రీకాంత్ కీలక పాత్రలో నటించాడు. ఈ చిత్రంలోని మరో ముఖ్య పాత్రలో భూమిక చావ్లా నటిస్తుంది. యోగా గురువు భారత్ ఠాకూర్ ను పెళ్లి చేసుకున్నా తర్వాత భూమిక సినిమాలకు దూరం అయింది. ఆ తర్వాత తన సెకండ్ ఇన్నింగ్స్ ఘనంగా స్టార్ట్ చేసింది. నాని నటించిన నేను లోకల్ చిత్రంలో భూమిక చాలా పవర్ ఫుల్ పాత్రలో నటించి మెప్పించింది. ఇప్పుడు వరస ఆఫర్స్ తో సీనియర్, జూనియర్ హీరోల సినిమాలో కీలక పాత్రలు పోషిస్తుంది.
ఇక సుమంత్ అశ్విన్ ఇదే మా కథ సినిమా విషయానికి వస్తే ఈ చిత్రం ప్రపంచ వ్యాప్తంగ మార్చి 19 న విడుదల అవ్వుతుంది. ఇప్పటికే టీజర్ తో సినిమాపై అంచనాలను పెంచింది. ప్రముఖ నిర్మాత దిల్ రాజు ఈ చిత్రం యొక్క టీజర్ ను గ్రాండ్ గా లాంచ్ చేశాడు. ఈ నెల 13 వ తేదీన సుమంత్ అశ్విన్ హైదరాబాద్ కు చెందిన దీపిక అనే అమ్మాయిని పెళ్లి చేసుకోబోతున్నాడు. కుటుంబ సభ్యులు, బందు మిత్రులు సమక్షంలో ఈ వివాహం జరగనున్నది.