మెగా హీరో వైష్ణవ్ తేజ మరో నాలుగు రోజుల్లో ఉప్పెన చిత్రంతో ప్రేక్షకుల ముందుకు రాబోతున్నాడు. ఫిబ్రవరి 12 వ తేదీన ఈ చిత్రం విడుదల అవ్వుతుంది. మొదటి నుండి కూడా ఈ చిత్రంపై భారీగా అంచనాలు ఉన్నాయి. విజయ్ సేతుపతి ప్రతి నాయకుడు పాత్రలో నటించాడు. పల్లేటూరి నేపథ్యంలో సాగే రొమాంటిక్ ప్రేమ కథా చిత్రం. కృతి శెట్టి హీరోయిన్ గా నటించింది. ఈ చిత్రానికి సుకుమార్ శిష్యుడు బుచ్చిబాబు సనా దర్శకత్వం వహించాడు.
ఈ చిత్రం యొక్క కథ గురించి ఆయన ఒకానొక ఇంటర్వ్యూ లో ఈ విదంగా చెప్పుకుంటూ వచ్చాడు. మొదట సుకుమార్ ను కలిసి ఈ చిత్రం గురించి ఓ రెండు లైన్ లు చెప్పాను. ఆయన వెంటనే ఇంప్రెస్ అయి పూర్తి స్టోరీ తో రమన్ని చెప్పాడు. నేను అందుకు ఓ ఆరు నెలల సమయం అడిగాను. ఈ ఆరు నెలల సమయంలో ఈ చిత్రం యొక్క కథకు రూపం తీసుకువచ్చాను. ఆ తరవాత సుకుమార్ ను కలిసి కథను నరేట్ చేయడం మొదలు పెట్టాను ఆయనకు ఈ ఉప్పెన స్టోరీ ఎంతగానో నచ్చి వెంటనే హగ్గ్ చేసుకున్నాడు.
సుకుమార్ ఆ సమయంలో ఎంతో ఎక్ష్జైట్ మెంట్ గా ఫీల్ అయ్యాడు. ఎలాగంటే తండ్రికి ఓ కొడుకు ప్రయోజకుడు అయిన తర్వాత పుత్రోత్సాహం ఎలా కలుగుతుందో, ఆ సమయంలో సుకుమార్ ను చూసినప్పుడు నాకు అల అనిపించింది. ఈ చిత్రాని మైత్రి మూవీ మేకర్స్, సుకుమార్ రైటింగ్స్ లో నవీన్, రవి శంకర్, సుకుమార్ లు నిర్మించారు. దేవి శ్రీ ప్రసాద్ ఈ చిత్రానికి సంగీతం అందించాడు. ఈ మధ్యనే ఈ చిత్రం యొక్క ట్రైలర్ ను రిలీజ్ చేశారు. తాజాగా ప్రీ రిలీజ్ వేడుక కూడా జరుపుకుంది. ఈ చిత్రంతో ఇద్దరు నటినటీమణులు, ఓ దర్శకుడు పరిచయం తెలుగు సినిమాకు పరిచయం అవుతున్నారు.