యంగ్ హీరో శర్వానంద్ నటిస్తున్న 29వ సినిమా ‘శ్రీకారం’. కిశోర్ రెడ్డిని దర్శకుడిగా పరిచయం చేస్తూ 14 రీల్స్ ప్లస్ బ్యానర్‌పై రామ్ ఆచంట, గోపిచంద్ ఆచంట నిర్మిస్తున్నారు. ‘ఇతను మన కేశవుల కొడుకు… పొద్దున్నే పొలం పనికి వెళ్తున్నాడు చూడండి’.. అంటూ ఆ మధ్య రిలీజ్ చేసిన ఫస్ట్ లుక్ ఎంతగానో ఆకట్టుకోగా..ఇక ఇప్పుడు న్యూ ఇయర్ కానుకగా సరికొత్త పోస్టర్ రిలీజ్ చేసారు.
ఈ పోస్టర్ లో శర్వానంద్ ఓ లేగ దూడను ముద్దుచేస్తూ కనిపిస్తున్నాడు. శర్వా యువ రైతు పాత్రలో నటిస్తున్న ఈ సినిమాకి ఇది పర్ఫెక్ట్ పోస్టర్ అని చెప్పవచ్చు. ఇంతకముందు రైతు దినోత్సవం నాడు శర్వా వ్యవసాయ ట్రాక్టర్ తో పొలం దున్నుతున్నట్లు చూపించారు. ఇప్పుడు దూడ తో ఉన్న ఫోటోని రిలీజ్ చేస్తూ శర్వా పాత్ర తీరును వెల్లడించే ప్రయత్నం చేశారు.
రావు రమేష్, ఆమని, సీనియర్ నరేష్, సాయికుమార్, మురళీ శర్మ, సత్య తదితరులు నటిస్తున్న ఈ చిత్రానికి సంగీతం : మిక్కీ జె. మేయర్, మాటలు : సాయిమాధవ్ బుర్రా, కెమెరా : జె. యువరాజ్, ఎడిటింగ్ : మార్తాండ్ కె. వెంకటేష్, ఆర్ట్ : అవినాష్ కొల్లా, ఎగ్జిక్యూటివ్ ప్రొడ్యూసర్ : హరీష్ కట్టా, నిర్మాతలు : రామ్ ఆచంట, గోపి ఆచంట, దర్శకత్వం : కిషోర్ బి.