హీరో శర్వానంద్ ఎటువంటి సినిమా బ్యాక్ గ్రౌండ్ లేకుండా టాలీవుడ్ లో అడుగు పెట్టిన హీరోలలో ఇతను కూడా ఒక్కడు. క్యారెక్టర్ ఆర్టిస్ట్ గా, విలన్ గా మెప్పించి ఆ తర్వాత హీరోగా మంచి గుర్తింపు తెచ్చుకున్నాడు. క్రిష్ డైరెక్షన్ లో వచ్చిన గమ్యం చిత్రం శర్వా కెరీర్ ను మలుపు తిప్పింది. ఆ తర్వాత దేవకట్ట ప్రస్థానం తో మంచి నటుడుగా ప్రూవ్ చేసుకున్నాడు. ఇంకా కెరీర్ లో వెనకకి తిరిగి చూసుకోలేదు.
ప్రస్తుతం ఓ మూడు చిత్రాలను లైన్ లో పెట్టారు ఆ మూడు కూడా సెట్స్ పైనే ఉన్నాయి. కిషోర్ బి దర్శకత్వంలో శ్రీకారం అనే చిత్రంలో నటిస్తున్నాడు. ఈ చిత్రంలో ప్రియాంకా అరూల్ మోహన్ కథానాయకగ నటిస్తుంది. వ్యవసాయం ప్రధానంగా ఈ చిత్రం రూపొందుతుంది. ఓ పెద్ద కార్పొరేట్ కంపెనీలో ఉద్యోగం చేసే ఓ యువకుడు ఎందుకు వ్యవసాయం చెయ్యాలిసి వచ్చింది అందుకు దారి తీసిన పరిస్థితులు ఏమిటి అనేది ఈ చిత్రం యొక్క కథాంశం. నేడు ఈ చిత్రం నుండి ట్రైలర్ ను విడుదల చేయడం జరిగింది.
టాలీవుడ్ యువ హీరోలు, నితిన్, నాని, వరుణ్ తేజ్ లు చేతుల మీదుగా ట్రైలర్ ను విడుదల చేశారు. ఈ సందర్భంగా శర్వానంద్ కు అల్ ది బెస్ట్ తెలియజేశారు. ఈ చిత్రం యొక్క ట్రైలర్ ఆద్యంతం ఆకట్టుకుంటుంది. ముఖ్యంగా శర్వానంద్ తన నటనతో ఇరగదీశాడు. వ్యవసాయం గురించే శర్వా చెప్పే మాటలు ఆలోచింపజేసే విదంగా ఉన్నాయి. ఈ చిత్రాని 14 రీల్స్ పై రామ్ ఆచంట, గోపి ఆచంట లు కలిసి సంయుక్తంగా నిర్మిస్తున్నారు. ఈ చిత్రంలో నటుడు సాయి కుమార్ చాలాకాలం తర్వాత మరోసారి విలన్ గా నటించాడు. ఈ చిత్రం మహాశిరాత్రి కానుకగా మార్చి 11న విడుదల అవ్వుతుంది.