దాదాపు 9 నెలల తర్వాత థియేటర్స్ లలో సాయి ధరమ్ తేజ్ నటించిన సోలో బ్రతుకే సో బెటర్ సినిమా రిలీజ్ అయ్యింది. క్రిస్మస్ కానుకగా ప్రేక్షకుల ముందుకు వచ్చిన ఈ చిత్రానికి యావరేజ్ టాక్ వచ్చినప్పటికీ ఫస్ట్ డే మాత్రం బాక్స్ ఆఫీస్ వద్ద భారీ వసూళ్లే సాధించి మిగతా సినిమాలకు లైన్ ఇచ్చింది. అస‌లు సినిమాకు జ‌నాలు వ‌స్తారా రారా అనే అనుమానంతో సినిమాని విడుద‌ల చేయ‌గా, ఈ చిత్రానికి నీరాజ‌నం పలుకుతుండడం తో చిత్ర యూనిట్ సంబరాలు చేసుకుంటున్నారు.
తొలి రోజే ఈ సినిమా రూ. 4.70 కోట్లు (గ్రాస్) సాధించినట్టు ట్రేడ్ వర్గాలు విశ్లేషించాయి. క‌రోనా నిబంధ‌న‌ల ప్ర‌కారం 50 శాతం ఆక్యుపెన్సీతోనే థియేటర్స్ న‌డుస్తున్నాయి. అయిన‌ప్ప‌టికీ సోలో బ్రతుకే సో బెటర్ చిత్రం తొలి రోజు ఆ మొత్తం కలెక్షన్స్ రాబ‌ట్టిందంటే గొప్ప విష‌యం అని చెప్ప‌వ‌చ్చు.
శ్రీ వెంకటేశ్వర సినీ చిత్ర LLP బ్యానర్‌పై BVSN ప్రసాద్ నిర్మించగా.. సుబ్బు డైరెక్ట్ చేసాడు. సుబ్బు కు ఈ చిత్రం మొదటిది కావడం విశేషం. నభా నటేష్ హీరోయిన్ గా నటించింది.