మెగా పవర్ స్టార్ రామ్ చరణ్ తేజ్ ప్రస్తుతం రాజమౌళి దర్శకత్వంలో ఆర్‌ఆర్‌ఆర్ అనే పాన్ ఇండియా మూవీ లో నటిస్తున్నాడు. ఈ చిత్రంలో మరో నటుడుగా జూనియర్ యన్టీఆర్ నటిస్తున్నాడు. పీరియాడికల్ నేపథ్యం కలిగిన చిత్రం గా రూపొందుతుంది. ఫ్రీడం ఫైటర్ అల్లూరి సీతారామరాజు పాత్రలో చరణ్ నటిస్తూ ఉంటే. కొమురమ్ భీమ్ పాత్రలో యన్టీఆర్ నటిస్తున్నాడు.
ఇప్పటికే ఈ చిత్రం నుండి వీరి టీజర్ లు ఆకట్టుకున్నాయి. అక్టోబర్ 13 న ఈ చిత్రం విడుదల అవ్వుతుంది. ఈ నేపథ్యంలో రామ్ చరణ్ 15 వ చిత్రంపై గత కొన్ని రోజులుగా వార్తలు వస్తూనే ఉన్నాయి. వీటికి ఫుల్ స్టాప్ పెడుతూ తమిళ దర్శకుడు శంకర్ చెప్పిన కథకు ఓకే చేశాడు రామ్ చరణ్ తేజ్. శంకర్ డైరెక్షన్ లో సినిమా అంటే మామూలుగా ఉండదు. బడ్జెట్ విషయంలో ఏ మాత్రం రాజీపడడు. హీరోను తనకు కావలిసిన విదంగా మలుచుకుంటాడు.
మరి అలాంటి శంకర్ తో చరణ్ సినిమా అంటే మెగా అభిమానుల్లో సినిమాపై అంచనాలు పెరిగాయి. ఇక నుండి చరణ్ నుండి కూడా పాన్ ఇండియా సినిమాలు ఉంటాయని ఆశిస్తున్నారు. తాజాగా శంకర్, రామ్ చరణ్ కాంబినేషన్ సినిమా యొక్క కథపై సోషల్ మీడియాలో అనేక రకాల వార్తలు వస్తున్నాయి. సైన్స్ ఫిక్షన్ తరహాలో ఈ చిత్రం యొక్క కథ ఉండబోతుందని అంటున్నారు. చరణ్ కూడా ఇప్పటివరకు ఇలాంటి కథలో నటించలేదు.
అందుకే మరో ప్రయోగాత్మక సినిమాకు గ్రీన్ సిగ్నల్ ఇచ్చాడు. రజినీకాంత్ తో రోబో 2.0 తో మంచి సక్సెస్ ను అందుకున్న శంకర్ ప్రస్తుతం కమల్ హాసన్ తో ఇండియన్ చిత్రానికి సీక్వెల్ గా ఇండియన్ 2 సినిమాను తీస్తున్నాడు. రకుల్ ప్రీత్ సింగ్, కాజల్ అగర్వాల్ లు హీరోయిన్స్ గా నటిస్తున్నారు. రామ్ చరణ్, శంకర్ ల సినిమాను దిల్ రాజు, శిరీష్ లు శ్రీమతి అనిత, శ్రీ వేంకటేశ్వర బ్యానర్స్ పై భారీ బడ్జెట్ తో నిర్మిస్తున్నారు. అవును ఈ కాంబినేషన్ లో వీరికి ఇది 50 వ చిత్రం కావున బడ్జెట్ విషయంలో ఎక్కడ కూడా కాంప్రమైజ్ కాదలుచుకోలేదు. త్వరలోనే ఈ చిత్రం గురించి పూర్తి వివరాలు తెలియనున్నాయి.