సూపర్ స్టార్ మహేష్ బాబు ఈ మధ్య దుబాయ్ అందాలను బాగా పొగుడుతూ ఉన్నాడు. అక్కడ అందమైన ప్రదేశాలను చూస్తూ ఆనందిస్తున్నాడు. దుబాయ్ సినిమా షూటింగ్ ని బాగా ఎంజాయ్ చేస్తున్నాను అంటూ పదే పదే బాగా పొగిడేస్తున్నాడు. ఈ మధ్య దుబాయ్ లోని మహేష్ ఫోటోలు సోషల్ మీడియాలో బాగా వైరల్ గా మారుతున్నాయి. అసలు ఆయన ఎందుకు అక్కడకు వెళ్లారు అనుకుంటున్నారా.. సర్కారు వారి పాట చిత్రీకరణ నేపథ్యంలో యూనిట్ మొత్తం అక్కడ వాలిపోయింది.
ఈ చిత్రానికి పరుశురామ్ దర్శకత్వం వహిస్తున్నాడు. ఈ చిత్రంలో మహేష్ బాబు కు జోడీగా కీర్తి సురేష్ నటిస్తుంది. ప్రస్తుతం దుబాయ్ లోని షార్జా ఎడారిలో ఈ చిత్రా బృందం షూటింగ్ జరుపుకుంటుంది.తాజాగా మహేష్ బాబు అక్కడి ఎడారిలోని కొన్ని ఫోటోలను ట్విట్టర్ ఖాతాలో షేర్ చేస్తూ.. నిజంగా ఓ ప్రత్యేకమైన అనుభవం.. అద్భుతమైన వినోద కార్యకలాపాలు మరియు అద్భుతమైన ప్రకృతి దృశ్యాలు.. రాబోయే కాలంలో నా మూవీ షూటింగ్స్ కి దుబాయ్ ఫేవరెట్ స్పాట్ గా ఉండనున్నది.
ఇక్కడి వెచ్చదనం అద్బుతమైన అతిద్యం ప్రత్యేక ఆకర్షణ గా నా లైఫ్ లో నిలుస్తాయి అన్నారు. ఇక మహేష్ షేర్ చేసిన ఫోటోలు హాట్ టాపిక్ గా నిలుస్తున్నాయి. ఇసుక ఎడారిలో మహేష్ లాండ్ రోవర్ రైడ్ తో ఫుల్ ఎంజాయ్ చేస్తున్నాడు. జి‌ఎం‌బి, 14 రీల్స్, మైత్రి మూవీ మేకర్స్ ఈ చిత్రాని నిర్మిస్తున్నారు. థమన్ సంగీతా స్వరాలు అందిస్తున్నాడు. సర్కారు వారి పాట వచ్చే ఏడాది సంక్రాంతికి విడుదల అవ్వుతుంది. ఈ నేపథ్యంలో మహేష్ సుధా కొంగర డైరెక్షన్ లో ఓ సినిమా చేసే ఆలోచనలో ఉన్నట్లు వార్తలు వస్తున్నాయి.