వరుస విజయాలతో దూసుకెళ్తున్న యంగ్ టైగర్ ఎన్టీఆర్..తాజాగా హిట్ డైరెక్టర్ కు ఛాన్స్ ఇచ్చాడనే వార్త ఫిలిం సర్కిల్లో చక్కర్లు కొడుతుంది. ప్రస్తుతం ఎన్టీఆర్ రాజమౌళి డైరెక్షన్లో ఆర్ఆర్ఆర్ చేస్తున్నాడు. ఈ సినిమా పూర్తి కాగానే మాటల మాంత్రికుడు త్రివిక్రమ్ డైరెక్షన్లో ఓ సినిమా చేసేందుకు డిసైడ్ అయ్యాడు. అయితే తాజాగా హిట్ డైరెక్టర్ శైలేష్ కొలను చెప్పిన కథ కు ఓకే చెప్పాడని వార్త వినిపిస్తుంది.
ఈ ఏడాది హిట్ సినిమాతో సక్సెస్‌ కొట్టిన డైరెక్టర్ శైలేష్ కొలను రీసెంట్‌గా దిల్ రాజుకు ఓ స్క్రిప్ట్ చెప్పాడట. అటుపై దాన్ని ఎన్టీఆర్ వద్దకు తీసుకువెళ్ళారట. స్టోరీ లైన్ తారక్‌కి బాగా నచ్చడంతో బౌండ్ స్క్రిప్ట్ రెడీ చేయమని చెప్పాడట. త్రివిక్రమ్ సినిమా తర్వాత ఎన్టీఆర్ చేయబోయే సినిమా శైలేష్ తోనే అని అంత అంటున్నారు. మరి నిజముగా శైలేష్ తో సినిమా చేస్తాడా..లేదా అనేది మరికొన్ని రోజులు ఆగితే కానీ తెలియదు.