దబాంగ్ 3 ఫేమ్ సైయీ మంజ్రేకర్ కు వరుస మెగా ఛాన్సులు వస్తున్నట్లు తెలుస్తుంది. ప్రభుదేవా దర్శకత్వంలో సల్మాన్ ఖాన్ హీరోగా నటించిన ‘దబాంగ్ 3’ సినిమాతో హీరోయిన్ గా బాలీవుడ్ లో గ్రాండ్ ఎంట్రీ ఇచ్చిన ఈ భామ..ఆ సినిమా పెద్దగా విజయం సాదించకపోయేసరికి మరో ఛాన్స్ తలుపు తట్టలేదు. అయితే తెలుగునాట నుండి ఈ భామ వరుస ఛాన్సులు తలుపు తట్టడం అందర్నీ ఆశ్చర్య పరుస్తుంది.
ఇప్పటికే మహేష్ బాబు నిర్మిస్తున్న ‘మేజర్’ సినిమాలో ఈ ముద్దుగుమ్మ ఛాన్స్ కొట్టేసింది. టాలెంటెడ్ యాక్టర్ అడవి శేష్ హీరోగా నటిస్తున్న ఈ చిత్రంలో సైయీ కీలక పాత్ర పోషిస్తోంది. ఇదిలా ఉండగానే వరుణ్ తేజ్ నటిస్తున్న ఓ స్పోర్ట్స్ డ్రామాలో ఈ భామ కు హీరోయిన్ గా ఛాన్స్ వచ్చింది. ఈ రెండే అనుకుంటే ఇప్పుడు స్టయిలిష్ స్టార్ అల్లు అర్జున్ సినిమాలోనూ ఈమెనే హీరోయిన్ గా ఎంపిక చేశారనే వార్త ఫిలిం సర్కిల్లో చక్కర్లు కొడుతోంది. అల్లు అర్జున్ – దర్శకుడు కొరటాల శివ కాంబినేషన్ తెరకెక్కబోయే చిత్రంలో ఈ బ్యూటీని తీసుకోవడానికి ప్లాన్ చేస్తున్నట్లుగా సినీ వర్గాల్లో చెప్పుకుంటున్నారు. బన్నీ కెరీర్లో 21వ చిత్రంగా రానున్న ఈ ప్రాజెక్ట్ ని అల్లు అరవింద్ సమర్పణలో యువసుధ బ్యానర్ పై మిక్కిలినేని సుధాకర్ నిర్మించనున్నారు. పాన్ ఇండియా మూవీ కావడంతో బాలీవుడ్ బ్యూటీ అయితే బాగుంటుందని మేకర్స్ ఆలోచిస్తున్నారట. అలాగే పవన్ – సురేందర్ రెడ్డి కలయికలో తెరకెక్కబోయే సినిమాలోనూ ఈమెనే అనుకుంటున్నట్లు వార్తలు వినిపిస్తున్నాయి. మొత్తం మీద సైయీ మంజ్రేకర్ ఫై మెగా హీరోల కన్ను బాగానే పడిందని అంత అంటున్నారు.