బుచ్చి బాబు సన దర్శకత్వంలో పంజా వైష్ణవ్ తేజ్ హీరోగా నటించిన చిత్రం ఉప్పెన. కృతి శెట్టి కథానాయకగా నటించింది. తమిళ నటుడు విజయ్ సేతుపతి ఓ కీలక పాత్రలో నటించాడు. నేడు ఈ చిత్రం ప్రేక్షకుల ముందుకు వచ్చింది. ఈ చిత్రం ద్వారా ముగ్గురు కొత్తగా తెలుగు సినిమా పరిచయం అవ్వుతున్నారు.
అందులో హీరో, హీరోయిన్ మరొకరు దర్శకుడు. మెగా ఫ్యామిలీ నుండి మరో హీరో టాలీవుడ్ లోకి ప్రవేశించాడు. ఆయనే సాయి ధరమ్ తేజ్, తమ్ముడు వైష్ణవ్ తేజ్… ఉప్పెన రిలీజ్ పై అన్నమాటల్లో తమ్ముడు గురించి… “తమ్ముడు నువ్వు నటించిన ఉప్పెన చిత్రం ఎట్టకేలకు విడుదల అవ్వుతుంది.. నాకు చాలా సంతోషం గా ఉంది.. గర్వంగాను ఉంది.. నిన్ననే నేను నిన్ను చిన్నపిల్లడిలాగా చేతిలో తీసుకునట్లుగా ఉంది.. కానీ నువ్వు ఇప్పుడు ఎదిగావు.
వెండతెర పై అలరించేందుకు నువ్వు సిద్దం అయ్యావు.. నువ్వు ఎంతో సంతోషం తో భయం తో ఉన్నావు అని నిన్ను చూస్తుంటే నాకు తెలుస్తుంది. నేను కూడా నా మొదటి చిత్రం విడుదలైనప్పుడు నాకు నీలాంటి ఫీలింగ్ కలిగింది.. సినిమా ఇండస్ష్ట్రి లో నీ కెరీర్ ఇప్పుడే ప్రారంభం అయింది… ఇక నుండి నీ ప్రయాణం సులువుగా ఏ కష్టం లేకుండా సజావుగా సాగుతుందని నేను మాట ఇవ్వలేను.
ప్రేక్షకులనుండి నీకు ప్రేమాభిమానాలు అందుతాయి.. ఈరోజు నీకు పెద్దరోజు.. నీతో పాటుగా మాకు ఈరోజు పండగ రోజు… ఉప్పెన నీకు మంచి విజయం సాదించాలని ఆశిస్తున్న… గుడ్ లక్ బ్రదర్.. ఈ చిత్రం ను చూడటానికి నేను కూడా ఎంతగానో ఎదురుచూస్తున్న అని అన్నాడు. మైత్రి మూవీ, సుకుమార్ రైటింగ్స్ పై నవీన్, రవి శంకర్, సుకుమార్ లు నిర్మించారు..