ఆర్‌ఎక్స్ 100 సినిమాతో హీరోగా మారి తనకంటూ టాలీవుడ్ ఇండస్ష్ట్రి లో ఓ గుర్తింపును దక్కించుకున్నాడు. గీత ఆర్ట్స్ వంటి పెద్ద బ్యానర్ లో సినిమా చేసే అవకాశం కొట్టేశాడు. ప్రస్తుతం అయిన నటించిన చిత్రం చావు కబురు చల్లగా… ఈ చిత్రానికి కౌశిక్ పెగల్లపాటి దర్శకత్వం వహించాడు. లావణ్య త్రిపాటి హీరోయిన్ గా నటించింది. ఈ చిత్రం మార్చి 19వ తేదీన విడుదల అవ్వబోతుంది. తాజాగా చిత్రా బృందం పాటల విడుదల కార్యక్రమంలో బిజీగా ఉంది.
ఈ సందర్భంగా కార్తికేయ మాట్లాడుతూ.. ఈ చిత్రంలోని పాటలు అందరిని ఆకట్టుకుంటున్నాయి. ముఖ్యంగా జెక్స్ బీజాయ్ ఈ చిత్రానికి మంచి సంగీతం అందించాడు. ఈ చిత్రంలోని నా పాత్ర గురించి చెప్పాలంటే బస్తి బలరాజుగా అందరిని ఆకట్టుకుంటుంది. సినిమా హిట్, ఫ్లాప్ లు పక్కన పెడితే ఓ నటుడిగా ఇలాంటి పాత్రలు జీవితంలో చాలా తక్కువ సార్లు మాత్రమే వస్తాయి. నన్ను హీరోగా ఈ చిత్రంలో తీసుకున్న దర్శక నిర్మాతలకు కృతజ్ఞతలు తెలియజేయాలి. ఓ టీచర్ లాగా దర్శకుడు నా నుండి నటన ను రాబట్టుకున్నాడు. ఈ చిత్రంలో నటించిన లావణ్య త్రిపాటి గారికి థ్యాంక్స్ . నన్ను నమ్మి ఇంత పెద్ద బ్యానర్ నుండి నాకు సినిమా ఆఫర్ రావడం చాలా గర్వంగా ఉంది.
తప్పకుండ గీత ఆర్ట్స్ బ్యానర్ లో అక్టోబర్ లో మరో సినిమా ఉండబోతుంది. ఇక నుండి నటుడుగా నేను తీసుకోబోయే నిర్ణయాలు మారుతాయని అన్నారు. టిజర్, ట్రైలర్ కు అద్బుతమైన రెస్పాన్స్ ప్రేక్షకులనుండి లభించింది. అందుకు వారికి నా హృదయ పూర్వక కృతజ్ఞతలు తెలియజేస్తున్న అని అన్నాడు.