టాలీవుడ్‌ ప్రముఖ దర్శకుడు ఎస్‌ఎస్‌ రాజమౌళి దర్శకత్వంలో ప్రతిష్టాత్మకంగా తెరకెక్కుతోన్న చిత్రం ఆర్ఆర్ఆర్ (రణం రౌద్రం రుధిరం). రామ్ చరణ్ , ఎన్టీఆర్‌ కాంబినేషన్‌లో వస్తోంది. ఈ సినిమాలో బాలీవుడ్‌, హాలీవుడ్‌ తారలు కీలక పాత్రల్లో నటిస్తున్నారు. బాలీవుడ్‌ తారలు అజయ్‌దేవ్‌గన్‌, అలియా భట్‌ నటిస్తున్నారు. లాక్ డౌన్ కారణంగా షూటింగ్ ఆగిపోగా..ఈ మధ్యనే షూటింగ్ పున : ప్రారంభం అయ్యింది.
ప్రస్తుతం ఈ చిత్ర షూటింగ్ శరవేగంగా జరుగుతున్న నేపథ్యంలో ఈ మూవీ కథ ఇదే అంటూ రెండు రోజులుగా సోషల్ మీడియా లో ఓ కథ తెగ వైరల్ అవుతుంది. సీతారామరాజు బాగా చదువుకుంటాడు. బ్రిటిషర్ల రూలింగ్ లో, వాళ్లకు అనుకూలంగా ఉద్యోగం చేస్తున్నప్పటికీ, సక్రమంగా లీగల్ పద్ధతుల్లో దేశానికి స్వతంత్రం తెచ్చేందుకు ప్రయత్నిస్తుంటాడు. కానీ భీమ్ మాత్రం యుద్ధంతోనే స్వతంత్రం వస్తుందని నమ్ముతాడు.
తన తండా జనాలకు యుద్ధరీతులు నేర్పుతూ, గొరిల్లా దాడులతో ఇండిపెండెన్స్ కోసం ప్రయత్నిస్తుంటాడు. ఒక దశలో కొమరం భీమ్ ను రామ్ చరణ్ అరెస్ట్ చేస్తాడు. అయితే తర్వాత జరిగిన పరిణామాలతో సీతారామరాజు-భీమ్ కలుస్తారు” అంటూ ఓ స్టోరీ చక్కర్లు కొడుతుంది. ఈ కథ చూసి అంత షాక్ అవుతూ మాట్లాడుకోవడం మొదలుపెట్టారు. సోషల్ మీడియాలో వైరల్ అవుతున్న కథకు, సినిమాకు ఎలాంటి సంబంధం లేదంటున్నారు ఫ్యాన్స్. కానీ చిత్ర యూనిట్ మాత్రం ఈ ప్రచారాన్ని చాల లైట్ గా తీసుకొని తమ పని తాము చేసుకుంటూ పోతున్నారు.