బాహుబలి సినిమా తర్వాత రాజమౌళి దర్శకత్వంలో రూపొందుతున్న చిత్రం ఆర్‌ఆర్‌ఆర్. ఇది ఒక్క మల్టీస్టారర్ మూవీ. ఈ చిత్రంలో రామ్ చరణ్ తేజ్ అల్లూరి సీతారామరాజు పాత్రలో నటిస్తుంటే, జూనియర్ ఎన్‌టి‌ఆర్ కొమురమ్ భీమ్ పాత్రలో నటిస్తున్నాడు. ఇప్పటికే ఈ చిత్రం నుండి విడుదలైన ఫస్ట్ లుక్ మరియు టీజర్ లు సినిమాపై భారీ అంచనాలను పెంచాయి. ఈ నేపథ్యంలో మొన్నటి వరకు ఈ చిత్రం యొక్క షూటింగ్ ఫైనల్ యాక్షన్ ఎపిసోడ్ ను జరుపుకుంది.
ఇక మీదట యాక్షన్ మూడ్ లోనుండి రొమాంటిక్ మూడ్ లోకి మారబోతుంది. అవును అందుకోసం ఓ ఫిల్మ్ స్టూడియో లో భారీ సెట్ ను వేసినట్లుగా సమాచారం. ఈ నెల 12 నుండి పాటల చిత్రీకరణ మొదలవ్వబోతుంది. మొదట రామ్ చరణ్ మరియు అలియ భట్ ల మధ్య వచ్చే రొమాంటిక్ పాటను చిత్రీకరించనున్నారు. ఈ చిత్రాని డి‌వి‌వి దానయ్య 400 కోట్లు పెట్టి నిర్మిస్తున్నాడు. ఇప్పటికే ఆర్‌ఆర్‌ఆర్ థియేట్రికల్ రైట్స్ పరంగా భారీ బిజినెస్ ను చేసింది.
ఇక ఈ చిత్రంలో ఎన్‌టి‌ఆర్ కు జోడీగా ఒలివియా మోరిస్ నటిస్తుంది. అజయ్ దేవగన్, సముద్రఖని, రే స్టివెన్సన్ అలిసాన్ డుడి తదితరులు నటిస్తున్నారు. ఈ చిత్రానికి ఎం‌ఎం కీరవాణి సంగీతం అందిస్తున్నాడు. ఈ ఏడాది అక్టోబర్ 13వ తేదీన ప్రపంచ వ్యాప్తంగ ఈ చిత్రం విడుదల అవ్వబోతున్నట్లుగా నిర్మాతలు ప్రకటించారు. ఈ చిత్రం తర్వాత రాజమౌళి, మహేష్ బాబు తో ఓ సినిమా చేయనున్నాడు. ఆర్‌ఆర్‌ఆర్ హీరోలు కూడా ఇప్పటికే తమ నెక్స్ట్ సినిమా పనులను కూడా మొదలు పెట్టారు.