ఎప్పుడెప్పుడా అని ప్రతి ఒక్క సినీ అభిమాని ఆత్రుతగా ఎదురుచూస్తున్న మూవీ ఆర్ఆర్ఆర్. మెగా పవర్ స్టార్ రాంచరణ్.. యంగ్ టైగర్ ఎన్టీఆర్ లు హీరోగా ఆర్ఆర్ఆర్ మూవీ తెరకెక్కింది. దీనిని తెరకెక్కించింది టాలీవుడ్ అనే కాదు ఇండియా మొత్తంలో మోస్ట్ డిమాండబుల్ డైరెక్టర్ దర్శకధీరుడు ఎస్ ఎస్ రాజమౌళి. ఈ భారీ పాన్ ఇండియా చిత్రం ఇండియా లెవెల్లో భారీ అంచనాల మధ్య తెరకెక్కింది.
ఆర్ఆర్ఆర్ సినిమా మరికొన్ని రోజుల్లో రిలీజ్ కానుంది. గతంలోనే విడుదల కావాల్సి ఉండగా.. కరోనా కారణంగా వాయిదా పడుతూ వచ్చింది. ఆ సమయంలో ఓవర్సీస్ లో బుకింగ్స్ ని ఓపెన్ చేసినప్పుడు రికార్డు స్థాయిలో బుకింగ్స్ ఆర్ఆర్ఆర్ సినిమా సొంతం చేసుకుంది. ప్రస్తుతం రిలీజ్ డేట్ ఫిక్స్ కావడంతో గతంలో కంటే కూడా భారీ బుకింగ్స్ నమోదు అవుతున్నాయట.
ఆశ్చర్యకరంగా ఆర్ఆర్ఆర్ మూవీ కేవలం నాలుగు గంటల్లోనే 2 లక్షలకి పైగా డాలర్ల బుకింగ్స్ అయినట్టు తెలుస్తోంది. ఈ చిత్రం మామూలు సెన్సషనల్ హిట్ కాదని చిత్ర వర్గాలు చెబుతున్నాయి. అలాగే ఇప్పుడే ఇలా ఉంటే రేపు ఈ సినిమా విడుదల నాటికి బుకింగ్స్ ఎలా ఉంటాయో చూడాల్సిందే.