టాలీవుడ్‌ ప్రముఖ దర్శకుడు ఎస్‌ఎస్‌ రాజమౌళి దర్శకత్వంలో ప్రతిష్టాత్మకంగా తెరకెక్కుతోన్న చిత్రం ఆర్‌ఆర్‌ఆర్‌ (రణం రౌద్రం రుధిరం). రామ్ చరణ్ , ఎన్టీఆర్‌ కాంబినేషన్‌లో వస్తోంది. ఈ సినిమాలో బాలీవుడ్‌, హాలీవుడ్‌ తారలు కీలక పాత్రల్లో నటిస్తున్నారు. బాలీవుడ్‌ తారలు అజయ్‌దేవ్‌గన్‌, అలియా భట్‌ నటిస్తున్నారు. లాక్ డౌన్ కారణంగా షూటింగ్ ఆగిపోగా..ఈ మధ్యనే షూటింగ్ పున : ప్రారంభం అయ్యింది.
ఈ షూటింగ్ లో ఒక యాక్షన్ సీక్వేన్స్ పూర్తీ చేశారట జక్కన్న. దీనికి చిత్ర యూనిట్ దాదాపు 50రోజుల షూటింగ్ చేశారట. ఈ షూటింగ్ షెడ్యూల్ పూర్తి కావడంతో మరో కొత్త షెడ్యూల్‌ను టీమ్ రూపొందించనుంది. కొత్త షెడ్యూల్ కోసం అందరూ సన్నద్దం అవుతున్నట్లు తెలుస్తుంది. ఈ సినిమా తెలుగుతో పాటు తమిళ్, హిందీ, కన్నడ మరికొన్ని భాషల్లో రూపొందుతోంది. అయితే ఈ సినిమాకి ఏభాషలో ఆ భాష చిత్రపరిశ్రమలో ప్రముఖుల చేత వాయిస్ చెప్పించాలని రాజమౌళి ఆలోచన చేస్తున్నారట. మరి ఇది నిజామా కదా అనేది తెలియాల్సి ఉంది.