మెగాస్టార్ చిరంజీవి, కొరటాల శివ కాంబినేషన్ లో వస్తున్న ఆచార్య (Acharya) సినిమా నుండి థర్డ్ సాంగ్ శానా కష్టం రిలీజైంది. మణిశర్మ మ్యూజిక్ అందిస్తున్న ఈ స్పెషల్ ఐటం సాంగ్ లో చిరుతో పాటుగా రెజినా కసాండ్రా జోడీ కట్టింది. మెగాస్టార్ ఆచార్య సినిమాలో కాజల్ అగర్వాల్, పూజా హెగ్దే హీరోయిన్స్ గా నటిస్తున్నా సరే స్పెషల్ సాంగ్ కింద రెజినాని ఎంపిక చేశారు.
రెజినా ఘాటైన అందాలతో ఈ మెగా సాంగ్ తో అమ్మడు ఓ రేంజ్ లో రెచ్చిపోయిందని చెప్పొచ్చు. ఒకప్పుడు హీరోయిన్ గా టాప్ లీగ్ లో ఉన్న రెజినా ఈమధ్య సరైన ఛాన్సులు లేక కెరియర్ లో వెనకపడ్డది. ఈ క్రమంలో అమ్మడికి వచ్చిన ప్రతి ఛాన్స్ చేస్తూ వస్తుంది. ఇక లేటెస్ట్ గా మెగాస్టార్ చిరంజీవి ఆచార్య సినిమాలో శానా కష్టం అనే సాంగ్ లో నర్తించింది.
మణిశర్మ మ్యూజిక్.. భాస్కరభట్ల సాహిత్యం సాంగ్ ని మరంత స్పెషల్ గా చేశాయి. ఈ మెగా సాంగ్ తో అయినా కెరియర్ లో మళ్లీ తిరిగి ఫాం లోకి రావాలని చూస్తుంది రెజినా. ఆచార్య (Acharya)లో స్పెషల్ సాంగ్ తో పాటుగా సుధీర్ వర్మ డైరక్షన్ లో శాకిని.. ఢాకిని సినిమాలో నటిస్తుంది అమ్మడు. మరి ఆచార్య సాంగ్ అమ్మడికి ఏమేరకు క్రేజ్ తెస్తుందో చూడాలి.