రష్మిక మందన్నా కన్నడ, తెలుగు సినిమా పరిశ్రమలో మర్చిపోలేని పేరు. ఛలో సినిమాతో టాలీవుడ్ లోకి అడుగు పెట్టింది. మొదటి సినిమానే మంచి సక్సెస్ దక్కించుకోవడంతో ఇక వెనకకు తిరిగి చూసుకోలేదు. వరస అవకాశాలతో దూసుకుపోతుంది ప్రస్తుతం ఆమె చేతిలో చాలా పెద్ద ప్రాజెక్ట్స్ ఉన్నాయి. అందులో తెలుగులో అల్లు అర్జున్ హీరోగా నటిస్తున్న పుష్ప చిత్రంలో నటిస్తుంది. కార్తీ హీరోగా సుల్తాన్ అనే చిత్రంలో ఆమె నటిస్తుంది.
ఇది ఇలా ఉండగా బాలీవుడ్ నుండి ఓ రెండు పెద్ద సినిమాల్లో ఛాన్స్ కొట్టేసింది. శాంతను బాగ్చి దర్శకత్వంలో మిషన్ మజ్ను అనే చిత్రం రూపొందుతుంది. ఈ చిత్రంలో సిద్దార్థ్ మల్హోత్రా హీరోగా నటిస్తుంటే ఆయన పక్కన హీరోయిన్ గా నటించే ఛాన్స్ కొట్టేసింది. ఈ చిత్రంతో బాలీవుడ్ లోకి అడుగు పెట్టింది. ఈ నేపథ్యంలోనే మరో చిత్రం కోసం ఆమెను ఎంపిక చేసినట్లుగా వార్తలు వస్తున్నాయి. వికాస్ భాలే దర్శకత్వంలో అమితాబ్ బచ్చన్ ప్రదాన పాత్రలో నటిస్తున్న డేడ్లి అనే చిత్రంలో నటించే ఛాన్స్ కొట్టేసింది.
ఇక బాలీవుడ్ లో వరస అవకాశాలు వస్తున్న తరుణంలో అక్కడే ఓ ఇల్లును కూడా కొనేసింది. ఇక నుండి ముంబయి నూ తన అడ్డాగా చేసుకోవడానికి రష్మిక ప్లాన్ వేస్తుంది. తాజాగా ఆమె కన్నడలో నటించిన పొగరు సినిమా ఇటీవలే విడుదలైంది. కన్నడతో పాటుగా, తెలుగులోను ఈ చిత్రంనూ విడుదల చేశారు. ఈ చిత్రం అక్కడ సక్సెస్ ఫుల్ టాక్ తో దూసుకుపోతుంది. తెలుగులో డివైడ్ టాక్ ను దక్కించుకుంది. ఈ చిత్రంలో యాక్షన్ కింగ్ అర్జున్ మేనల్లుడు దృవ్ షార్జా హీరోగా నటించాడు.