ఛలో సినిమాతో తెలుగు సినిమా పరిశ్రమకు పరిచయం అయిన కన్నడ బ్యూటీ రష్మిక మందన్న ప్రస్తుతం చేతిలో బోలెడు సినిమాలు ఉన్నాయి. తెలుగులో విజయ్ దేవరకొండ తో గీతా గోవిందం, డియర్ కామ్రేడ్, మహేష్ బాబు తో సరిలేరు నికేవ్వరు వంటి సినిమాల్లో నటించి మంచి పేరు తెచ్చుకుంది. ప్రస్తుతం అల్లు అర్జున్ హీరోగా పుష్ప అనే చిత్రంలో నటిస్తుంది.
బాలీవుడ్ లో మిషన్ మజ్ను అనే సినిమా ద్వారా ఎంట్రీ ఇస్తుంది. అమితాబ్ బచ్చన్ కాంబినేషన్స్ లో ఓ సినిమాలో నటించే అవకాశం కొట్టేసింది. స్టార్ హీరోయిన్ గా గుర్తింపు తెచ్చుకున్న రష్మిక పారితోషికం కూడా గట్టిగానే వసూలు చేస్తుంది. ప్రతి సినిమాకు రెండు కోట్ల వరకు తీసుకుంటుంది. తాజాగా మరో అవకాశం ఆమె తలుపు తట్టింది. ది గ్రేట్ డైరెక్టర్ శంకర్ దర్శకత్వంలో నటించే ఛాన్స్ కొట్టేసిందని తమిళ మీడియా నుండి అందుతున్న సమాచారం.
ఇటీవలే శంకర్ రష్మికను కలిసి కథను నరేట్ చేసినట్లుగా సమాచారం. రష్మిక కూడా వెంటనే ఒకే చెప్పినట్లుగా తెలుస్తుంది. చరణ్ తో ఓ భారీ బడ్జెట్ సినిమా ను చేయబోతున్నట్లుగా ఇటీవలే ప్రకటించిన సంగతి అందరికి తెలిసిందే. ఈ చిత్రానికి సంబందించిన పనులు చక చక జరిగిపోతున్నాయి. చరణ్ కు జోడీగా రష్మికను ఫిక్స్ చేశారు. పారితోషికం కూడా గట్టిగానే ఇచ్చినట్లుగా తెలుస్తుంది. ఈ చిత్రాన్ని ప్రముఖ నిర్మాత దిల్ రాజు భారీ బడ్జెట్ తో నిర్మించనున్నాడు. రష్మిక వరస సినిమా ఛాన్స్ లతో బాలీవుడ్ మరియు టాలీవుడ్ లో దూసుకుపోతుంది.