సూపర్ స్టార్ మహేష్ బాబు , బాలీవుడ్ నటుడు ర‌ణ్‌వీర్ సింగ్ ఒకే ఫ్రెమ్ లో కనిపించి అభిమానులను ఆకట్టుకున్నారు. ఈ ఇద్దరి హీరోలకు ఏ రేంజ్ లో ఫ్యాన్ ఫాలోయింగ్ ఉందొ చెప్పాల్సిన పని లేదు. వరుస విజయాలతో దూసుకెళ్తున్న ఈ ఇద్దరు..తాజాగా థ‌మ్స్ అప్ యాడ్ కోసం కలిసి నటించారు.
తెలుగులో థ‌మ్స్ అప్ కు మహేష్ బ్రాండ్ అంబాసిడర్ గా ఉండగా, హిందీలో స్టార్ హీరో ర‌ణ్‌వీర్ సింగ్ ఉన్నారు. అయితే ఈ సారి ఇద్దరు హీరోలు అదిరిపోయే యాక్షన్ యాడ్ ను షూట్ చేశారు. ఆ యాడ్ ఏంట‌నే దానిపై త్వ‌ర‌లో క్లారిటీ రానుంది. అయితే షూట్ లో పాల్గొన్న ఫొటోలు షేర్ చేసిన మహేష్.. మీతో ప‌నిచేయ‌డం గొప్ప అనుభూతిని క‌లిగించింది అని మహేష్ ట్వీట్ చేయ‌గా, ర‌ణ్‌వీర్.. నాకు ప‌రిచ‌యం అయిన వారిలో ఫైనెస్ట్ జెంటిల్‌మెన్ అయిన మ‌హేష్‌ని క‌ల‌వ‌డం ఎప్పుడు అద్భుతంగా ఉంటుంది. నా బిగ్ బ్ర‌ద‌ర్ మహేష్ అంటూ తన అభిమానాన్ని వ్యక్తం చేసాడు.