జీత్తు జోసెఫ్ దర్శకత్వంలో మోహన్ లాల్, మీనా జంటగా నటించిన చిత్రం దృశ్యం 2. ఈ చిత్రం దృశ్యం చిత్రానికి రీమేక్ గా వచ్చింది. దృశ్యం 2 చిత్రం ఇటీవలే ఓ‌టి‌టి వేధికగా అమెజాన్ ప్రైమ్ లో విడుదల అయింది. ఈ చిత్రం అక్కడ మంచి టాక్ ను దక్కించుకొని విమర్శించేవారు సైతం ఈ సినిమా చూసి ప్రశంసిస్తున్నారు. ఇప్పుడు ఈ చిత్రాని విక్టరీ వెంకటేష్, మీనా జంటగా తెలుగులో రీమేక్ చేస్తున్నారు. ఈ చిత్రానికి కూడా జీత్తు జోసెఫ్ దర్శకత్వం వహించనున్నాడు.
అయితే ఈ చిత్రంలో టాలీవుడ్ హల్క్ రానా కూడా కీలక పాత్రలో నటించనున్నాడు అనే సమాచారం. ఈ విషయంపై ఇంకా ఎటువంటి అధికారిక ప్రకటన మాత్రం రాలేదు. కానీ నిన్న జరిగిన పూజ కార్యక్రమాలకు రానా కూడా హాజరు అయ్యాడు. ఈ నేపథ్యంలో మలయాళం దృశ్యం 2 చిత్రంలో మురళి గోపి నటించిన పాత్రలో తెలుగులో రానా నటించనున్నాడు అనే వార్తలు వస్తున్నాయి. రానా కూడా బాబాయ్ తో ఫుల్ లేన్త్ రోల్ లో నటించేందుకు ఎప్పటి నుండో ఎదురుచూస్తున్నాడు.
మరి దృశ్యం 2 చిత్రంతోనైనా ఆ కోరిక తీరుతుందని ఆశిద్దాం. ప్రస్తుతం దర్శకుడు తెలుగు నేటివిటీకి తగిన విదంగా స్క్రిప్ట్ లో మార్పులు చేర్పులు చేస్తున్నాడు. త్వరలోనే రేగ్యూలర్ షూట్ జరగనున్నది. ఇంకా వెంకటేష్ సినిమాల విషయానికి వస్తే నారప్ప చిత్రాని పూర్తి చేశాడు. ప్రియమణి ముఖ్య పాత్రలో నటిస్తుంది. ఈ నేపథ్యంలోనే ఎఫ్3 చిత్రాని సెట్స్ పైకి తీసుకెళ్ళాడు. ఈ చిత్రంలో వెంకటేష్, వరుణ్ తేజ్ లు నటిస్తున్న మల్టీస్టారర్ మూవీ, తమన్నా, మెహరిన్ లు హీరోయిన్స్ గా నటిస్తున్నారు. అనీల్ రావిపూడి దర్శకత్వం వహిస్తున్నాడు.