బాహుబలి తర్వాత రానా నుండి పూర్తి స్థాయి సినిమా మాత్రం రాలేదు. స్పెషల్ అప్పియరెన్స్ పాత్రలు మరియు మల్టీ స్టారర్ మూవీ లు మాత్రమే చేస్తూ వస్తున్నాడు. ఇప్పటికే ఆయన నుండి రెండు సినిమాలు విడుదల సిద్దంగా ఉన్నాయి అందులో బైలింగ్వల్ మూవీ అరణ్య ఒక్కటి. హిందీలో హాతి మేరా సాతి అనే పేరుతో రూపొందింది. తమిళంలో కాదన్ అనే పేరుతో తెరకెక్కింది. ఈ నేపథ్యంలోనే వేణు ఉడుగుల దర్శకత్వంలో విరాటపర్వం అనే చిత్రంలో నటించాడు.
ఈ చిత్రంలో సాయి పల్లవి కథానాయక గా నటించింది. నక్సల్స్ బ్యాక్ డ్రాప్ లో ఈ చిత్రం రూపొందింది. పవర్ స్టార్ పవన్ కళ్యాణ్ తో మలయాళం మూవీ అయ్యపనుమ్ కొషియమ్ తెలుగు రీమేక్ లో నటిస్తున్నాడు. తాజా సమాచారం మేరకు ఈ చిత్రంలోని రానా పాత్ర ను స్పెషల్ గా ఎలివేట్ చేయనున్నట్లుగా తెలుస్తుంది. పరోక్షంగా పవన్ కళ్యాణ్ స్థాయిని ఇంకా పెంచుతుంది అంటున్నారు. తెలుగు వెర్షన్స్ కోసం ఇప్పటికే స్క్రిప్ట్ వర్క్ లో చాలా మార్పులను చేశారు. ఈ చిత్రంలో సాయి పల్లవి పవన్ కళ్యాణ్ కు భార్య గా నటించనున్నది.
ఈ చిత్రానికి మాటల మాంత్రికుడు త్రివిక్రమ్ శ్రీనివాస్ స్క్రీన్ ప్లే మరియు డైలాగులు అందించనున్నాడు. ఈ చిత్రం కోసం త్రివిక్రమ్ చాలా బ్యాక్ గ్రౌండ్ వర్క్ చేశాడు. తన మార్క్ పంచ్ డైలాగులు మరోసారి ఆకట్టుకుంటాయి అని వార్తలు వస్తున్నాయి. చాలా దగ్గరగ ఉండి త్రివిక్రమ్ ఈ సినిమాకోసం పనిచేస్తున్నాడు. సాగర్ చంద్ర ఈ చిత్రానికి దర్శకత్వం వహిస్తున్నాడు. ఈ చిత్రానికి తమన్ సంగీతం అందిస్తున్నాడు. ఇప్పటికే బ్యాక్ గ్రౌండ్ స్కోర్ తో విడుదల చేసిన పవన్ కళ్యాణ్ ఫస్ట్ గ్లింప్స్ ఆకట్టుకుంది.