రామ్ చరణ్ “వినయ విధేయ రామ” చిత్రం ఫ్లాప్ తర్వాత రాజమౌళి దర్శకత్వంలో “ఆర్ఆర్ఆర్” చిత్రంలో నటిస్తున్నాడు. అలాగే కొరటాల శివ దర్శకత్వంలో మెగా స్టార్ చిరంజీవి నటిస్తున్న “ఆచార్య” చిత్రంలో ఓ కీలక పాత్రలో నటిస్తున్నాడు. గడిచిన ఏడాది లో రామ్ చరణ్ నుండి ఎటువంటి సినిమా విడుదల కాలేదు. కానీ ఈ ఏడాది రెండు చిత్రాలు విడుదలకు సిద్దంగా ఉన్నాయి.
ఈ రెండు చిత్రాలు తర్వాత రామ్ చరణ్ తదుపరి ప్రాజెక్ట్ పై సోషల్ మీడియాలో వార్తలు వస్తున్నాయి. పలు ప్రముఖ దర్శకులు ఇప్పటికే చర్రి కి కథలు చెప్పి ఒప్పించే పనిలో ఉన్నారు కానీ అవేమీ ఆయనకు నచ్చడంలేదు. ఈ నేపథ్యంలోనే గౌతమ్ తిన్ననూరి దర్శకత్వంలో తన తదుపరి సినిమా ఉంటుందనే వార్తలు ఫిల్మ్ సర్కిల్ లో చక్కర్లు కొట్టాయి. కానీ చరణ్ నుండి ఎటువంటి ప్రకటన రాలేదు. తాజా సమాచారం మేరకు చరణ్ నెక్స్ట్ సినిమా లిస్ట్ లోకి వంశీ పైడిపల్లి వచ్చి చేరాడు.
ఈయన గతంలో చరణ్ తో “ఎవడు” అనే చిత్రంను తెరకెక్కించి మంచి హిట్ట్ ను కొట్టాడు. ఆ చిత్రాన్ని దిల్ల్ రాజు నిర్మించాడు. చరణ్ ను కలిసి కథను వినిపించి ఒప్పించడాని సమాచారం. ఈ చిత్రం ఈ ఏడాది చివరిలోగా సెట్స్ పైకి వెళ్లనున్నదని తెలుస్తుంది. వీరిద్దరి కాంబినేషన్ లో రాబోయే చిత్రాన్ని చరణ్ తన సొంత బ్యానర్ కొణిదెల ప్రొడక్షన్ పై నిర్మించనున్నాడని సమాచారం. మహేష్ బాబు కి “మహర్షి” ఇచ్చి మంచి ఫామ్ లో ఉన్న వంశీ, రామ్ చరణ్ కు ఎలాంటి సక్సెస్ ను ఇస్తాడో చూడాలి. త్వరలోనే ఈ చిత్రంపై అధికారిక ప్రకటన రానున్నది.