పవన్ కళ్యాణ్ లాయర్ పాత్రలో నటించిన చిత్రం వకీల్ సాబ్. ఈ చిత్రానికి సంగీతం థమన్ అందిస్తుంటే పాటలు మాత్రం రామజోగయ్య శాస్త్రి రాస్తున్నాడు. ఇప్పటికే ఈ చిత్రం నుండి ఓ రెండు పాటలు విడుదల అయ్యాయి. అందులో ఓ సాంగ్ రికార్డ్స్ ను క్రియేట్ చేస్తే.. ఇటీవలే మరో పాటను విడుదల చేశారు. ప్రస్తుతం ఆ పాట సోషల్ మీడియాలో దుమ్ము లేపుతుంది. పవన్ కళ్యాణ్ వ్యక్తిత్వానికి తగిన విదంగా ఆ పాటను రామజోగయ్య శాస్త్రి రాశాడు.
మెగా అభిమానులు ఈ పాటపై సంతోషం వ్యక్తం చేస్తున్నారు. ఇంత మంచి లిరిక్స్ రాసిన రామజోగయ్య శాస్త్రిని అభినందిస్తున్నారు. అదే విదంగా థమన్ ను కూడా బ్లేస్ చేస్తున్నారు. సత్యమేవ జయతే పాటను పడింది మాత్రం ది గ్రేట్ సింగర్ శంకర్ మహదేవన్ మరియు పృథ్వీ చంద్ర. టాలీవుడ్ మెగాస్టార్ చిరంజీవి కి రామజోగయ్య శాస్త్రి ఇటీవలే పాటను వినిపించాడు. ఈ సందర్భంగా శాస్త్రి ట్విట్టర్ ద్వారా “నిండుగా నమస్కరించి కృతజ్ఞతలు చెప్పుకుని సమక్షంలో…సత్యమేవజయతే వినిపించాను…పండగ రోజు.. మనసున్న మారాజు మా చిరంజీవి గారు అంటూ… MEGASTAR for a REASON” అంటూ క్యాప్షన్ కూడా పెట్టాడు.
ఈ నేపథ్యంలోనే చిరంజీవితో తీసుకున్న ఓ ఫోటోను ట్విట్టర్ లో పోస్ట్ చేశాడు. ఈ చిత్రంలో శృతి హాసన్ పవన్ కళ్యాణ్ కు జోడీగా నటించింది. అంజలి, నివేత థామస్, ప్రకాష్ రాజ్ లు కీలక పాత్రలో నటించారు. దిల్ రాజు మరియు బోణి కపూర్ లు కలిసి సంయుక్తంగా ఈ చిత్రాని నిర్మించారు. ఇప్పటికే విడుదలైన తిజర్ ఆకట్టుకుంటుంది. ఏప్రిల్ 9న ఈ చిత్రం విడుదల అవ్వుతుంది.