రకుల్ ప్రీత్ సింగ్ సౌత్, నార్త్ అంటూ సినిమాలు చేస్తూ ఫుల్ బిజీగా ఉంది. ప్రస్తుతం ఆమె చేతిలో చాలా పెద్ద ప్రాజెక్ట్స్ ఉన్నాయి. ప్రస్తుతం బాలీవుడ్ లో అజయ్ దేవగన్ హీరోగా “మే డే” అనే చిత్రంలో నటిస్తుంది. ఇది సెట్స్ పైన ఉండగానే ఇప్పుడు ఇంద్ర కుమార్ దర్శకత్వంలో “థాంక్ గాడ్” అనే చిత్రంలో నటిస్తుంది. నిన్న సండే రోజున షూటింగ్ సెట్ లోకి అడుగు పెట్టింది.
ఈ సందర్భంగా ఆమె హ్యాపీ ఫేస్ అంటూ ఇంస్టా లో ఫోటో పోస్ట్ చేసింది. ఈ చిత్రంలో సిద్దార్థ్ మల్హోత్రా, అజయ్ దేవగన్ లు నటిస్తున్నారు. ఈ చిత్రంలో రకుల్ అజయ్ కి జంటగా నటిస్తుంది. ఈ చిత్రం యొక్క షూటింగ్ సెట్స్ లో రకుల్ చాలా సందడి చేసింది. మేకప్ వేసుకుంటూ దిగిన మరో ఫోటోను ఆమె షేర్ చేసింది. ఆ తర్వాత ఓ వీడియో ను కూడా షేర్ చేసింది #morningmaddness అనే హ్యాష్ టాగ్ తో ఆ వీడియో ను రకుల్ షేర్ చేసింది.
ప్రస్తుతం ఆ ఫోటోలు సోషల్ మీడియాలో తెగ వైరల్ అవ్వుతున్నాయి. రకుల్ సౌత్ సినిమా విషయానికి వస్తే తెలుగులో క్రిష్ డైరెక్షన్ లో ఓ సినిమా చెయ్యబోతుంది. తమిళంలో శంకర్ దర్శకత్వంలో ఇండియన్ చిత్రానికి సీక్వెల్ గా ఇండియన్ 2 అనే చిత్రంలో నటిస్తుంది. రకుల్ ఓ వైపు సినిమాలు చేస్తూనే బిజినెస్ లోనూ రానిస్తుంది. ఆమెకు హైదరాబాద్ లో ఎఫ్45 తో రెండు జిమ్ లు ఉన్నాయి. రకుల్ ఫిట్నెస్ కు సంబందించిన వీడియో లు అంతర్జాలంలో దర్శనం ఇస్తూ ఉంటాయి. ఫిట్నెస్ ఫాలోవర్స్ ఆమెను బాగా అనుసరిస్తూ ఉంటారు.