చాలా గ్యాప్ తర్వాత కలెక్షన్ కింగ్ డాక్టర్ మోహన్ బాబు హీరోగా నటిస్తున్న చిత్రం ‘సన్ ఆఫ్ ఇండియా’. శ్రీ లక్ష్మీప్రసన్న పిక్చర్స్, 24 ఫ్రేమ్స్ ఫ్యాక్టరీ సంయుక్తంగా నిర్మిస్తోన్న ఈ చిత్రానికి డైమండ్ రత్నబాబు దర్శకత్వం వహిస్తున్నారు. ప్రస్తుతం ఈ మూవీ సెకండ్ షెడ్యూల్ హైదరాబాద్ లో ప్రారంభమైంది. అయితే ఈ ప్రాజెక్టులో అందాల భామ ర‌కుల్ ప్రీత్ సింగ్ న‌టిస్తుంద‌ని ఓ ఆస‌క్తిక‌ర వార్త టాలీవుడ్ లో చ‌క్క‌ర్లు కొట్టడం తో అంత నిజమేనేమో అని అనుకుంటున్నారు.
ఈ వార్తల ఫై ర‌కుల్ మేనేజ‌ర్ క్లారిటీ ఇచ్చాడు. ర‌కుల్ ఈ సినిమాలో న‌టించ‌డం లేద‌ని, ప్ర‌స్తుతానికి ఆమె త‌న కొత్త చిత్రాల‌తో బిజీగా ఉంద‌ని తెలిపాడు. ర‌కుల్ ప్రీత్ సింగ్ ప్రస్తుతం నితిన్ తో చెక్ సినిమాలో న‌టిస్తోంది. మ‌రోవైపు క్రిష్‌-వైష్ణ‌వ్‌తేజ్ సినిమాలో కూడా న‌టిస్తోంది. దీంతోపాటు అర్జున్ క‌పూర్ తో ఓ సినిమా చేస్తోంది. జాన్ అబ్ర‌హాం, అజ‌య్ దేవ్‌గ‌న్ తో కూడా సినిమాలు చేసే అవ‌కాశం ఉంది.