‘ఉయ్యాలా జంపాలా’ సినిమాతో హీరోగా ఎంట్రీ ఇచ్చిన రాజ్ తరుణ్..ఓ ఇంటివాడయ్యాడు. మొదటి సినిమాతోనే తన హీరోగా తన సత్తా చాటుకొని, ఆ తర్వాత వరుస హ్యాట్రిక్ అందుకున్న రాజ్..ఆ తర్వాత వరుస ప్లాప్స్ తో ఇబ్బంది పడ్డాడు. రీసెంట్ గా ఓటీటీలో ‘ఒరేయ్ బుజ్జిగా’ సినిమాతో ప్రేక్షకుల ముందుకు వచ్చి హిట్ అందుకున్నాడు. ప్రస్తుతం రెండు ప్రాజెక్టులు చేతిలో ఉన్న రాజ్‌తరుణ్ మళ్లీ సక్సెస్ ట్రాక్ ఎక్కేందుకు ప్రయత్నిస్తున్నాడు.
ఇదిలా ఉంటె కొన్నాళ్లుగా అద్దె ఇంట్లో ఉంటున్న రాజ్‌తరుణ్ తాజాగా ఓ లగ్జరీ ఇంటిని సొంతం చేసుకున్నాడు. బంధు మిత్రులు, సన్నిహితుల మధ్య గృహ ప్రవేశ వేడుకను ఘనంగా నిర్వహించాడు. అయితే ఈ కార్యక్రమంలో హీరోయిన్ అవికా గోర్ ప్రత్యేక ఆకర్షణగా నిలిచింది. అవికా గోర్ ఈ కార్యక్రమంలో పాల్గొన్న ఫోటోలను తన ఇన్‌స్టాగ్రామ్ అకౌంట్లో పోస్ట్ చేసిన రాజ్‌తరుణ్ ఆమెకు స్పెషల్ థ్యాంక్స్ చెప్పాడు. ‘నా మొదటి సినిమా నుండి గృహ ప్రవేశం వరకు అన్నింటా తనకు అండగా ఉన్నందుకు ధన్యవాదాలు అంటూ పోస్ట్ పెట్టాడు.