యంగ్ రెబల్ స్టార్ ప్రభాస్ నటించిన “రాధే శ్యామ్” చిత్రం నుండి మరో అప్డేట్ వచ్చింది. ఇప్పటికే చిత్రీకరణ పూర్తి కావడంతో ఇక ప్రమోషన్స్ పై దృష్టి పెడుతున్నట్లుగా తెలుస్తుంది. జిల్ మూవీ ఫేమ్ రాధా కృష్ణ దర్శకత్వంలో సాహో చిత్రం తర్వాత ప్రభాస్ నటించిన మరో పాన్ ఇండియా మూవీ రాధే శ్యామ్.
ఈ చిత్రంలో పూజ హెగ్డే హీరోయిన్ గా నటించింది. పీరియాడికల్ నేపథ్యం కలిగిన లవ్ స్టోరీ మూవీ గా ఈ చిత్రం రూపొందింది. మొదటి నుండి కూడా ఈ చిత్రంపై బాగా హైప్ తీసుకురావడంతో, ఈ చిత్రం నుండి ఎలాంటి అప్డేట్ వస్తుందా అని అభిమానులు ఎదురుచూస్తున్నారు. దర్శకుడు రాధే శ్యామ్ ఫస్ట్ లుక్, ఫస్ట్ గ్లింప్స్ ను విడుదల చేసి సినిమాపై అంచనాలను పెంచాడు.
ఈ నెల 14 వ తేదీన లవర్స్ డే కావున… రాధే శ్యామ్ నుండి టీజర్ ను విడుదల చేస్తున్నట్లుగా చిత్రబృందం ప్రకటించింది. తాజాగా మరో అప్డేట్ వచ్చింది.. ఉదయం 9:18 నిమిషాలకు టీజర్ ను విడుదల చేస్తున్నాం అంటూ ప్రభాస్ లుక్ తో కూడిన న్యూ పోస్టర్ ను విడుదల చేశారు. ఈ లుక్ లో ప్రభాస్ ఆకట్టుకుంటున్నాడు.
ఈ చిత్రాని యూ‌వి క్రియేషన్స్ బ్యానర్ పై వంశీ-ప్రమోద్, భూషణ్ కుమార్ లు నిర్మించారు. ఈ చిత్రానికి జస్టిన్ ప్రభాకరన్ సంగీతం అందించాడు. ఈ నేపథ్యంలోనే ప్రభాస్ కే‌జి‌ఎఫ్ దర్శకుడు ప్రశాంత్ నీల్ తో సలార్ అనే చిత్రంలో నటిస్తున్నాడు. ఈ చిత్రంలో శృతి హాసన్ కథానాయక గా నటిస్తుంది. కన్నడ నటుడు మధు గురుస్వామి కీలక పాత్రలో నటిస్తున్నాడు. మొదటి షెడ్యూల్ షూటింగ్ ను తెలంగాణలోని సింగరేణి ఘనుల్లో జరుపుకుంది.