అల్లు అర్జున్ రష్మికా మందన్నా నటించిన పుష్ప సినిమా ఫీవర్ ఇంకా వదల్లేదు. ఆ సినిమా వచ్చినప్పటి నుంచి అభిమానులు తగ్గేదేలే అంటూ డైలాగ్ లు వేస్తున్నారు. చిన్న పిల్లల నుంచి పండు ముసలి వాళ్ల వరకు ఈ సినిమాలోని పాటలకు స్టెప్పులు వేస్తున్నారు. డైలాగులు కూడా చెప్తున్నారు. అయితే పలువురు మాత్రం శ్రీవళ్లి పాటను భజన రూపంలో పాడుతూ చేసిన వీడియో సోషల్ మీడియాలో విపరీతంగా వైరల్ అవుతోంది.
పుష్ప సినిమాలోని సూపర్ డూపర్ సాంగ్ శ్రీవళ్లీ పాటను ఓ భజన బృందం ఆలపించింది. అయితే బృందంలోని మరికొంత మంది సభ్యులు శ్రీవళ్లి పాటకు తబలా దరువు, ఢోలక్ టెంపో వాయించడం నెటిజెన్లను ఆకట్టుకుంటోంది. ప్రస్తుతం ఆ వీడియో సోషల్ మీడియాను షేక్ చేస్తోంది. అభిమానులంతా ఈ పీడియోను షేర్ చేస్తూ… అందరికీ చేరువయ్యేలా చేస్తున్నారు.
భజన రూపంలో చేసిన ఈ పాట చాలా బాగుందంటూ నెటిజెన్లు కామెంట్లు చేస్తున్నారు. ఈ పాటకు వేర్వేరు స్టైల్లో స్టెప్పులు వేయడం చూశాం కానీ… ఇలాంటి డిఫరెంట్ స్టైల్ సింగింగ్ అసలు చూడలేదంటూ ప్రశంసలు కురిపిస్తున్నారు. అయితే సినిమా రిలీజ్ అయి చాలా రోజులు అవుతున్నప్పటికీ… పుష్ప సినిమా ఫీవర్ ప్రజలను ఇంకా వీడట్లేదని పలువురు అభిప్రాయం వ్యక్తం చేస్తున్నారు.
అంతే కాదండోయ్.. ఈ సినిమా విడుదలైన ఇటవీలే 5 రోజులు పూర్తి చేసుకుంది. అయితే 50రోజుల్లోనే ఈ సినిమా ప్రపంచ వ్యాప్తంగా రూ.365 కోట్ల వసూళ్లు సాధించిందని చిత్ర యూనిట్ తెలిపింది. పుష్ప సినిమాలో హీరోగా నటించిన అల్లు అర్జున్ తొలిసారి పాన్ ఇండియా స్థాయిలో అభిమానుల్ని అలరించారని విమర్శకులు కూడా మెచ్చుకుంటున్నారు.