బాహుబలి చిత్రం తో దేశ వ్యాప్తంగా క్రేజ్ తెచ్చుకున్న యంగ్ రెబెల్ స్టార్ ప్రభాస్..ఆ తర్వాత వరుస పాన్ మూవీస్ లలో నటిస్తూ అలరిస్తున్నాడు. ప్రస్తుతం రాధే శ్యామ్ మూవీలో నటిస్తున్నాడు. ఈ మూవీ సెట్స్ ఫై ఉండగానే మరో రెండు పాన్ మూవీస్ లకు గ్రీన్ సిగ్నల్ ఇచ్చి అభిమానుల్లో సంబరాలు నింపాడు. తాకగా ప్రభాస్ కు సంబందించిన ఓ పిక్ వైరల్ గా మారడమే కాదు అందర్నీ ఆశ్ఛర్య పరుస్తుంది. ఈ పిక్ లో ప్రభాస్ సన్నగా, ఫిట్‌గా కనిపిస్తున్నాడు. కండలు తిరిగిన దేహంతో భారీగా కనిపించే ప్రభాస్ తాజా ఫొటోలో సన్నగా, ఫిట్‌గా కనిపించేసరికి అంత షాక్ అవుతున్నారు.
ప్రస్తుతం తన తర్వాతి సినిమాల కోసం ప్రభాస్ సన్నద్ధమవుతున్నాడు. నాగ్ అశ్విన్ దర్శకత్వంలో ప్రభాస్ ఓ సినిమా చేయబోతున్న సంగతి తెలిసిందే. అలాగే బాలీవుడ్ దర్శకుడు ఓం రౌత్ రూపొందించనున్న ఆదిపురుష్ సినిమాలో ప్రభాస్.. రాముడి గెటప్‌లో కనిపించనున్నాడు. ఈ సినిమాల కోసమే ప్రభాస్ ప్రస్తుతం తన లుక్‌ను మార్చుకున్నట్టు సమాచారం.