రాజమౌళి దర్శకత్వంలో వచ్చిన “బాహుబలి” సిరీస్ తో ప్రభాస్ పాన్ ఇండియా స్టార్ గా మారిపోయాడు, దేశ వ్యాప్తంగ అభిమానులను సంపాదించుకున్నాడు. సుజిత్ దర్శకత్వంలో వచ్చిన “సాహో” చిత్రం తెలుగులో ఫ్లాప్ టాక్ ను దక్కించుకున్న నార్త్ లో మాత్రం కలెక్షన్స్ ను కురిపించింది. ప్రస్తుతం ప్రభాస్ జిల్ చిత్రా దర్శకుడు రాధా కృష్ణ దర్శకత్వంలో “రాధే శ్యామ్” అనే చిత్రంలో నటిస్తున్నాడు.
ఈ చిత్రం పిరియడికల్ నేపథ్యం కలిగిన లవ్ స్టోరీగా రూపొందుతుంది. ఈ చిత్రం యొక్క షూటింగ్ దాదాపుగా చివరి దశకు వచ్చేసింది. ప్రభాస్ చేతిలో అధికారంగా మరో మూడు సినిమాలు లైన్ లో ఉన్నాయి. అవి అన్నీ కూడా పాన్ ఇండియా చిత్రాలే. ఈ నేపథ్యంలోనే కన్నడ దర్శకుడు ప్రశాంత్ నీల్ దర్శకత్వంలో “సలార్” చిత్రంలో ప్రభాస్ నటించనున్నాడు. ఇటీవలే ఈ చిత్రం యొక్క ఫస్ట్ లుక్ ను చిత్రబృందం విడుదల చేసింది. అభిమానులనుండి ప్రేక్షకులనుండి మంచి రెస్పాన్స్ లభించింది.
“సలార్” చిత్రాన్ని హోంబలే ప్రొడక్షన్ బ్యానర్ పై నిర్మించనున్నారు. సంక్రాంతి రోజున పూజ కార్యక్రమాలతో ఘనంగా ప్రారంభించారు. కేజీయఫ్ ఫేమ్ యష్ ముఖ్య అతిదిగా పాల్గొన్నాడు. ప్రభాస్, యష్ లు కలిసి ఫోటోలకు పోజులు ఇచ్చారు. ప్రస్తుతం వీరి ఫోటోలు సోషల్ మీడియాలో వైరల్ అవ్వుతున్నాయి. ప్రస్తుతం ప్రశాంత్ నీల్ కేజీయఫ్ చాప్టర్ 2 ను పూర్తి చేసే పనిలో బిజీగా ఉన్నాడు. ఈ చిత్రం నుండి విడుదలైన టీజర్ కు దేశవ్యాప్తంగా మంచి రెస్పాన్స్ వచ్చింది. అతి త్వరలోనే దర్శకుడు సలార్ ను సెట్స్ పైకి తీసుకెళ్లనున్నాడు.