వరుస హిట్ల తో ఫుల్ స్వింగ్ లో ఉన్న పూజా హగ్దే..ప్రస్తుతం ఫుల్ హ్యాపీ మూడ్ లో ఉంది. దీనికి కారణం తన అభిమాన హీరోతో కలిసి నటించడమే. తెలుగు లో వరుస సినిమాలు చేస్తున్న ఈమె..హిందీలోనూ అదే విధంగా సినిమాలు చేస్తుంది. తాజాగా ఈ భామ బాలీవుడ్ కండల వీరుడు సల్మాన్ ఖాన్ తో రొమాన్స్ చేయబోతుందట. సల్మాన్ ఖాన్ త్వరలో చెయ్యబోతున్న కభీ ఈద్.. కభీ దివాళి సినిమాలో పూజ హీరోయిన్‌గా ఎంపికైంది. దీంతో ఆమె ఆనందానికి అవధులు లేకుండా పోయాయి. తన కెరీర్‌లో ఇదే అత్యంత ఆనందకర సమయమని పూజా చెప్పుకొచ్చింది.
ఇక తెలుగు విషయానికి వస్తే..ప్రస్తుతం యంగ్ రెబెల్ స్టార్ ప్రభాస్ సరసన రాధే శ్యామ్ మూవీ చేస్తుంది. దీంతో పాటు అఖిల్ సరసన మోస్ట్ ఎలిజిబుల్ బ్యాచ్లర్ మూవీ లో నటిస్తుంది. ఈ రెండు కూడా సెట్స్ పైనే ఉన్నాయి. వచ్చే ఏడాది ఇవి ప్రేక్షకుల ముందుకు రానున్నాయి.